ଗେଷ୍ଟ ହାଉସରେ ସକ୍ରିୟ ସେକ୍ସ ରାକେଟ୍, ୬ ଗିରଫ

ନୋଏଡା: ଦିଲ୍ଲୀରେ କରୋନାର ହଟସ୍ପଟ ରହିଛି ଗ୍ରେଟର ନୋଏଡା। ଲକଡାଉନ୍ ନିୟମ କୋହଳ ହେବା ପରେ ଏହାର ଫାଇଦା ନେଇ ଗେଷ୍ଟ ହାଉସରେ ସକ୍ରିୟ ହୋଇଛି ସେକ୍ସ ରାକେଟ୍। ପୁଲିସ ଜାଣିବା ପରେ ଘଟଣାସ୍ଥଳରେ ରେଡ୍ କରି ୬ ଜଣଙ୍କୁ ଗିରଫ କରିଛି।

ମଙ୍ଗଳବାର ସଂଧ୍ୟାରେ ଗେଷ୍ଟ ହାଉସରେ ସେକ୍ସ ରାକେଟ ଚାଲିଥିବା ନେଇ ପୁଲିସ୍ ସୂଚନା ପାଇ ଚଢ଼ାଉ କରିଥିଲା। ଗିରଫ ୬ ଜଣଙ୍କ ମଧ୍ୟରେ ଦୁଇ ଜଣ ମହିଳା ରହିଛନ୍ତି। ବାକି ୪ ଜଣଙ୍କ ମଧ୍ୟରେ ଗେଷ୍ଟ ହାଉସର ମ୍ୟାନେଜର ଏବଂ ମାଲିକ ବି ରହିଛନ୍ତି।

ଗ୍ରେଟର ନୋଏଡାର ପୁଲିସ ଅଧିକାରୀ ରାଜେଶ କୁମାର ସିଂହ କହିଛନ୍ତି, ଗେଷ୍ଟ ହାଉସରେ ସେକ୍ସ ରାକେଟ୍ ଚାଲିଥିବା ନେଇ ସୂଚନା ମିଳିଥିଲା। ଏହାପରେ ସ୍ଥାନୀୟ ପୁଲିସ ସହିତ ଚଢ଼ାଉ କରାଯାଇଥିଲା। ଘଟଣାସ୍ଥଳରୁ ୬ ଜଣଙ୍କୁ ଗିରଫ କରାଯାଇଛି। ଦୁଇ ଜଣ ମହିଳା, ଦୁଇ ଜଣ ପୁରୁଷ ସହିତ ହୋଟେଲ ମାଲିକ ଏବଂ ମ୍ୟାନେଜରକୁ ଗିରଫ୍ କରାଯାଇଛି।

ଚଢ଼ାଉ ବେଳେ ନଗଦ ୧୨,୬୦୦ ଟଙ୍କା, ମୋବାଇଲ୍, ମେକ୍ ଅପ୍ କିଟ୍, କଣ୍ଡୋମ୍ ଏବଂ ଗର୍ଭ ନିରୋଧକ ଟାବଲେଟ୍ ଜବତ କରାଯାଇଥବା ପୁଲିସ୍ ସୂଚନା ଦେଇଛି। ପୁଲିସ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରି ତଦନ୍ତ କରୁଥିବା ସୂଚନା ରହିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।