ଥିରୁଭନନ୍ତପୁରମ୍: ବରିଷ୍ଠ କଂଗ୍ରେସ ନେତା ତଥା ସାଂସଦ ଶଶି ଥରୁର ଏକ ମନ୍ଦିରରେ ‘ବିଶୁ ଦିବସ’ ପାଳନ ସମୟରେ ଆହତ ହୋଇଥିବା ସୂଚନା ମିଳିଛି। ଏହି ଉତ୍ସବ ସମୟରେ ପ୍ରସିଦ୍ଧ ‘ଥୁଲାଭରମ୍’ ପ୍ରଥା ପାଳନ ସମୟରେ ସେ ଆହତ ହୋଇଛନ୍ତି। ସେ ବସିଥିବା ଏକ ଓଜନ କଣ୍ଟା ଛିଡ଼ିଯିବାରୁ ତଳେ ପଡ଼ିଯାଇଥିଲେ ଏବଂ ତାଙ୍କ ମୁଣ୍ଡରେ ଏକ ‘ବଡ଼’ ହୁକ୍ ମାଡ଼ ହୋଇଥିଲା। ସୂଚନାଯୋଗ୍ୟ ଯେ, ‘ଥୁଲାଭରମ୍’ ପ୍ରଥାରେ ଶ୍ରଦ୍ଧାଳୁ ନିଜ ଓଜନର ମୂଲ୍ୟବାନ ସାମଗ୍ରୀ ଦାନ କରିଥାନ୍ତି।
ଥମ୍ପନୂର ମନ୍ଦିରଠାରେ ସକାଳ ୧୧ଟା ସମୟରେ ଏହି ଘଟଣା ଘଟିଛି। ଗାନ୍ଧାରୀ ଅମ୍ମାନ୍ କୋଭିଲ୍ ମନ୍ଦିରରେ ଏହି ଅଘଟଣରେ ତାଙ୍କର ମୁଣ୍ଡର ଦୁଇପାଖ ଏବଂ ଡେଣାରେ ଆଘାତ ଲାଗିଛି। ତାଙ୍କ ମୁଣ୍ଡରେ ୧୦ଟି ଷ୍ଟିଚ୍ ଲାଗିଛି। ତାଙ୍କୁ ତୁରନ୍ତ ସରକାରୀ ମେଡିକାଲ କଲେଜ୍ ନିଆଯାଇଥିଲା। ତାଙ୍କର ଏମ୍ଆରଆଇ ସ୍କାନ୍ ମଧ୍ୟ କରାଯାଇଛି।
ତାଙ୍କ ଦଳ ବିଧିବଦ୍ଧ ଭାବରେ ଅପରାହ୍ଣରେ ନିର୍ବାଚନମଣ୍ଡଳୀ ଇସ୍ତାହାର ରିଲିଜ୍ କରିବାକୁ ଥିବାବେଳେ ଏହି ଘଟଣା ପାଇଁ ଏହାକୁ ସ୍ଥଗିତ ରଖାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
