ନୂଆଦିଲ୍ଲୀ: ପୂର୍ବତନ ବିଜେପି ସାଂସଦ ତଥା କିଛି ଦିନ ତଳେ କଂଗ୍ରେସରେ ଯୋଗ ଦେଇଥିବା ଫିଲ୍ମ ଅଭିନେତା ଶତ୍ରୁଘ୍ନ ସିହ୍ନାଙ୍କ ପତ୍ନୀ ପୁନମ୍ ସିହ୍ନା ସମାଜବାଦୀ ପାର୍ଟିରେ ଯୋଗ ଦେଇଛନ୍ତି। ସେ ଡିମ୍ପଲ ଯାଦବଙ୍କ ଉପସ୍ଥିତିରେ ଯୋଗ ଦେଇଛନ୍ତି।
ସମାଜବାଦୀ ପାର୍ଟି ପକ୍ଷରୁ କୁହାଯାଇଛି ପୁନମ୍ କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂହଙ୍କ ବିପକ୍ଷରେ ଲକ୍ଷ୍ନୌରୁ ପ୍ରାର୍ଥୀ ହେବେ। ସେ ଆସନ୍ତା ୧୮ ତାରିଖରେ ନାମାଙ୍କନ ପତ୍ର ଦାଖଲ କରିବେ। ଗତ ଏପ୍ରିଲ ୬ ତାରିଖରେ ହିଁ ଶତ୍ରୁଘ୍ନ କଂଗ୍ରେସରେ ଯୋଗ ଦେଇଥିଲେ। ସେ ବିହାରର ପାଟନାସାହିବ୍ରୁ କଂଗ୍ରେସ ପ୍ରାର୍ଥୀ ହୋଇଛନ୍ତି।
ସମାଜବାଦୀ ପାର୍ଟିର ରବିଦାସ ମେହରୋତ୍ରା ପୁନମ୍ଙ୍କ ଯୋଗଦାନ ବିଷୟରେ କହିଛନ୍ତି, ପୁନମ୍ ଲକ୍ଷ୍ନୌରୁ ଏସ୍ପି-ବିଏସ୍ପି-ଆରଏଲଡି ପ୍ରାର୍ଥୀ ହେବେ। ଆମେ କଂଗ୍ରେସକୁ ଆହ୍ୱାନ କରୁଛୁ ସେମାନେ ମଧ୍ୟ ଏଠାରେ ପ୍ରାର୍ଥୀ ନ ଦିଅନ୍ତୁ ଫଳରେ ବିଜେପିକୁ ହରାଯାଇ ପାରିବ। ଏହା ପୂର୍ବରୁ ଅନ୍ୟ ଜଣେ ଏସ୍ପି ନେତା କହିଥିଲେ, ଏହି ଆସନରେ ୩.୫% ମୁସଲିମ୍ ଭୋଟରଙ୍କ ବ୍ୟତୀତ ୪ ଲକ୍ଷ କାୟସ୍ଥ ଭୋଟର ଏବଂ ୧.୩ ଲକ୍ଷ ସିନ୍ଧି ଭୋଟର ଅଛନ୍ତି। ପୁନମ୍ ସିନ୍ଧି ଏବଂ ତାଙ୍କ ସ୍ୱାମୀ କାୟସ୍ଥ ହୋଇଥିବାରୁ ତାଙ୍କୁ ଏହି ଭୋଟ୍ ବ୍ୟାଙ୍କ ଫାଇଦା ଦେବ ବୋଲି ସେ ଆଶାବାଦୀ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
