ବେରୁଟ୍: ଆମେରିକୀୟ ବାୟୁସେନା ପକ୍ଷରୁ ଶିନିବାର ଓ ରବିବାର ଆତଙ୍କବାଦୀ ସଂଗଠନ ଇସଲାମିକ୍ ଷ୍ଟେଟ୍ (ଆଇଏସ) କବଜାରେ ଥିବା ସିରିଆର ରାକା ଅଞ୍ଚଳରେ ଆକ୍ରମଣ କରାଯାଇଛି। ଏଥିରେ ଅତିକମରେ ୨୨ ଜଣ ଲୋକଙ୍କର ମୃତ୍ୟୁ ହୋଇଛି ବୋଲି ସିରିଆର ଏକ ମାନବ ଅଧିକାର ସଂଗଠନ କହିଛି। ମୃତକଙ୍କ ମଧ୍ୟରେ ୬ ଜଣ ସାଧାରଣ ନାଗରିକ ହୋଇଥିବାବେଳେ ସେମାନଙ୍କ ମଧ୍ୟରେ ଜଣେ ଶିଶୁ ବି ରହିଛି। ଅନ୍ୟ ସମସ୍ତ ମୃତକ ମାନେ ହେଲେ ଆତଙ୍କବାଦୀ ।
ଏହି ଆକ୍ରମଣ ନେଇ ଆମେରିକା ବାୟୁସେନା ମଧ୍ୟ ସ୍ପଷ୍ଟ କରିଛି। ଇରାକ ଓ ସିରିଆର ଯେଉଁ ସବୁଅଞ୍ଚଳ ଗୁଡିକ ଆଇଏସ ଅକ୍ତିଆରକୁ ଚାଲିଯାଇଛି ସେଇ ସବୁ ଅଞ୍ଚଳରେ ଆମେରିକା ନେତୃତ୍ୱରେ ଏକ ମିଳିତ ବାହିନୀ ଗତ ସେପ୍ଟେମ୍ୱରରୁ ଆକାଶ ମାର୍ଗରୁ ବିଭିନ୍ନ ସମୟରେ ଆକ୍ରମଣ କରୁଛି। ୨୦୧୩ରୁ ସିରିଆରେ ଆଇଏସ ଆତଙ୍କବାଦୀ ସଂଗଠନର କାର୍ଯ୍ୟକଳାପ ଆରମ୍ଭ ହୋଇଥିଲା । ଆଉ ଏବେ ସିରିଆର ପାଖାପାଖି ଅଧା ଅଞ୍ଚଳ ଏହାର ଅକ୍ତିଆରରେ ଅଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
