ନୂଆଦିଲ୍ଲୀ: ଦିଲ୍ଲୀ ସରକାରଙ୍କ ସୀମା ବନ୍ଦ ନିଷ୍ପତ୍ତି ନେଇ ଶୁଣାଣି କରିଛନ୍ତି ସୁପ୍ରିମକୋର୍ଟ। ଦିଲ୍ଲୀ-ଏନସିଆର ପାଇଁ ଗୋଟିଏ କମନ୍ ପାସ ବ୍ୟବସ୍ଥା କରିବା ପାଇଁ ସୁପ୍ରିମକୋର୍ଟ କହିଛନ୍ତି। ଏହି କମନ୍ ପାସ୍ ହରିଆଣା, ୟୁପି ଏବଂ ଦିଲ୍ଲୀ ତିନି ରାଜ୍ୟ ପାଇଁ ପ୍ରଯୁଜ୍ୟ ହେବ ବୋଲି କୋର୍ଟ କହିଛନ୍ତି।
କରୋନା ସଂକ୍ରମଣ ବଢ଼ୁଥିବା ଦେଖି ଦିଲ୍ଲୀ ସୀମା ସିଲ୍ କରିଛନ୍ତି କେଜ୍ରିଓ୍ୱାଲ ସରକାର। ଏହାକୁ ନେଇ ଜନଅସନ୍ତୋଷ ବଢ଼ିଥିଲା। ପରେ ସୁପ୍ରିମକୋର୍ଟରେ ଦିଲ୍ଲୀ ସରକାରଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ ହୋଇଥିଲା। ଏବେ କୋର୍ଟ ସପ୍ତାହକ ମଧ୍ୟରେ ସମସ୍ୟାର ସମାଧାନ ପାଇଁ କେନ୍ଦ୍ରକୁ ନିର୍ଦ୍ଦେଶ ଦେଇଛନ୍ତି। ଦିଲ୍ଲୀ, ହରିଆଣା, ଉତ୍ତର ପ୍ରଦେଶ ସରକାରଙ୍କ ସହିତ ମିଶି ଏହି ସମସ୍ୟାର ସମାଧାନ କେନ୍ଦ୍ର କରିବା ଦରକାର ବୋଲି କୋର୍ଟ କହିଛନ୍ତି।