ଭିୱାନୀ: ହରିୟାନାର ଭିୱାନୀ ଜିଲ୍ଲାର ସେନୀୱାସ୍ ଗାଁରେ ଆଜି ସକାଳେ ଏକ ତୀର୍ଥଯାତ୍ରୀଙ୍କୁ ନେଇ ଯାଉଥିବା ପିକ୍ଅପ୍ ଭ୍ୟାନ୍ ଟ୍ରକ୍କୁ ଧକ୍କା ଦେବା ଫଳରେ ୯ ଜଣଙ୍କ ମୃତ୍ୟୁ ଘଟିଛି। ଏହି ଘଟଣାରେ ଅନ୍ୟ ୧୪ ଜଣ ଆହତ ହୋଇଛନ୍ତି।
ଜଣେ ପୋଲିସ୍ ଅଧିକାରୀ କହିଛନ୍ତି,“ତୀର୍ଥଯାତ୍ରୀଙ୍କୁ ନେଇ ଯାଇଥିବା ପିକ୍ଅପ୍ ଭ୍ୟାନ୍ ଏକ ଟ୍ରକ୍କୁ ପଛପଟୁ ଧକ୍କା ଦେଇଥିଲା। ଏହି ସମୟରେ ପଛପଟୁ ଅନ୍ୟ ଏକ ଗାଡ଼ି ଆସି ଭ୍ୟାନ୍କୁ ଧକ୍କା ଦେଇଥିଲା। ସମସ୍ତ ମୃତକ ପଞ୍ଜାବର ବୋଲି ଜଣାପଡ଼ିଛି। ରାଜସ୍ଥାନର ଗୋଗାମେଡୀ ସ୍ଥିତ ତୀର୍ଥସ୍ଥଳୀରୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା।”