ଚନ୍ଦନଙ୍କ କାର୍‌ରୁ ୨୭ କିଲୋ ଗଞ୍ଜେଇ ଜବତ

ଫୁଲବାଣୀ (ତ୍ରିନାଥ ସାହୁ): କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅନ୍ତର୍ଗତ ପଵିଙ୍ଗିଆ ଗାଁ ନିକଟ ଛକରୁ ଅବକାରୀ ବିଭାଗ ଏକ କାର୍‌ରୁ ୨୭ କିଲୋ ଗଞ୍ଜେଇ ଜବତ କରିଛି। ଏଥିସହ ଏହି ଘଟଣାରେ ଜଣଙ୍କୁ ଗିରଫ କରିଛି। ତାଙ୍କ ନାଁ ଚନ୍ଦନ ଦିଗାଲ। ତାଙ୍କ ଘର ଫୁଲବାଣୀ ସହରରେ।

ଚନ୍ଦନ ଫିରିଙ୍ଗିଆ ଅଞ୍ଚଳରୁ ଗଞ୍ଜେଇ ନେଇ ନୟାଗଡ଼ ଜିଲ୍ଲା ଅଭିମୁଖେ ଯାଉଥିବା କଥା ଅବକାରୀ ବିଭାଗ କୌଣସି ସୂତ୍ରରୁ ଜାଣିବାକୁ ପାଇଥିଲା। ଏହାପରେ ବିଭାଗୀୟ କର୍ମଚାରୀମାନେ ପଵିଙ୍ଗିଆ ଛକରେ ଜଗି ରହିଥିଲେ ଏବଂ ସବୁ ଯାନବାହନଗୁଡ଼ିକୁ ଅଟକାଇ ଯାଞ୍ଚ କରିଥିଲେ। ଏହି ଯାଞ୍ଚ ବେଳେ ଅବକାରୀ ବିଭାଗ କର୍ମଚାରୀମାନେ ଚନ୍ଦନଙ୍କ କାର୍‌ରୁ ଗଞ୍ଜେଇ ଜବତ କରିଥିଲେ।