କୋରାପୁଟ (ସୂର୍ଯ୍ୟନାରାୟଣ ପଣ୍ଡା): କୋରାପୁଟ ସହର ଠାରୁ ପ୍ରାୟ ୭୦ କିଲୋମିଟର ଦୂର ପାଡୁଆ ଡାକ ବଙ୍ଗଳା ନିକଟରେ ଆଜି ଭୋରରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏଥିରେ ୪ ଜଣଙ୍କ ମୃତ୍ୟୁ ଘଟିଛି। ୪ ଜଣ ଯାକ ହେଉଛନ୍ତି ନାବାଳକ।
ମୃତକମାନେ ହେଲେ ପଙ୍କଜ ମହାନ୍ତି (୧୫), ପ୍ରଶାନ୍ତ ଖରା (୧୬), ଶଶି ଖିଲ (୧୧) ଓ କୃଷ୍ଣ ହନ୍ତାଳ (୧୨)। ଏମାନେ ସମସ୍ତେ ପାଡୁଆ ଗାଁର।
ଏମାନେ ସମସ୍ତେ ଏକ ବାଇକ୍ରେ ପାଡୁଆ ଗାଁକୁ ଫେରୁଥିବା ବେଳେ ଭୋର ପ୍ରାୟ ୪ଟା ବେଳେ ଦୁର୍ଘଟଣାର ଶିକାର ହୋଇଥିଲେ। ପାଡୁଆ ଡାକ ବଙ୍ଗଳା ଠାରୁ ପ୍ରାୟ ୧୦୦ ମିଟର ଦୂରରେ ଥିବା ଏକ ୟୁ-ଟର୍ନରେ ବାଇକ୍ଟି ଭାରସାମ୍ୟ ହରାଇ ରାସ୍ତା ତଳକୁ ଖସି ଯାଇଥିଲା। ଘଟଣାସ୍ଥଳରେ ହିଁ ସମସ୍ତଙ୍କ ମୃତ୍ୟୁ ଘଟିଥିଲା। ପାଡ଼ୁଆ ଥାନା ପୁଲିସ୍ ମୃତଦେହ ଗୁଡ଼ିକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ସୂଚନା ମିଳିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।