ଭଦ୍ରକ(ପାର୍ଥସାରଥୀ ନାୟକ): ଘରୁ ବାହାରିଲା ନାଗ ସାପ। ଗୋଟେ କି ଦୁଇଟି ନୁହେଁ। ଏକା ବେଳେ ୪୩ଟି ନାଗ ସାପ ଉଦ୍ଧାର ହୋଇଛି। ଭଦ୍ରକ ଵ୍ଲକ୍ କଲେଇ ପଞ୍ଚାୟତର ରଙ୍ଗରାଜପୁର ଗାଁର ବିଜୟ ଵିଶ୍ଵାଳଙ୍କ ଘରୁ ଏହି ସାପ ଗୁଡ଼ିକୁ ଉଦ୍ଧାର କରାଯାଇଛି।
ସୂଚନାରୁ ପ୍ରକାଶ, ଗତ ୮ ଦିନ ହେଲା ବିଜୟ ଵିଶ୍ଵାଳଙ୍କ ମାଟି ଘରେ ସାପ ଗୁଡ଼ିକ ବୁଲୁଥିଲେ। ଏହା ଦେଖି ପରିବାର ଲୋକେ ବାହାରେ ବସାଉଠା କରୁଥିଲେ। ଏପରିକି ବାହାରେ ମଧ୍ୟ ଶୋଉଥିଲେ। ପରେ ଗାଁ ଲୋକଙ୍କ ପରାମର୍ଶରେ କ୍ରମେ ବିଜୟ ସାପ ଧରାଳି ମିର୍ଜା ଆରିଫ୍ଙ୍କୁ ଜଣାଇଥିଲେ। ଆଜି ସେ ଗାଁରେ ପହଞ୍ଚିଥିଲେ। ୫ରୁ ୬ ଘଣ୍ଟାର ଅକ୍ଳାନ୍ତ ପରିଶ୍ରମ ପରେ ବିଳରୁ ମାଆ ନାଗ ଓ ୪୩ଟି ଛୁଆକୁ ଉଦ୍ଧାର କରାଯାଇଛି। ନାଗ ସାପ ରହୁଥିବା ସ୍ଥାନରୁ ୫୮ଟି ସାପ ଅଣ୍ଡା ମଧ୍ୟ ଉଦ୍ଧାର କରାଯାଇଛି। ସାପ ଗୁଡ଼ିକ ନିକଟସ୍ଥ ଜଙ୍ଗଲରେ ଛାଡ଼ି ଦିଆଯାଇଥିବା ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
