କଟକରୁ ଝାମ୍ପିନେଲେ ୬ ଲକ୍ଷ, ବାଲେଶ୍ୱରୁ ଲୁଟିଲେ ୩୬

<p>ବାଲେଶ୍ୱର(ଓଡିଶା ରିପୋର୍ଟର): ଲୁଟେରାଙ୍କ ଟାର୍ଗେଟରେ ଏଟିଏମ୍ । ବାଲେଶ୍ୱର ସହରରେ ଗତକାଲି ବିଳମ୍ବିତ ରାତିରେ ଦୁଇଟି ଏଟିଏମ୍&zwnj;ରୁ ୩୬ ଲକ୍ଷ ଟଙ୍କା ଲୁଟ୍ ହେବା ଘଟଣାରେ ପୋଲିସର ଏକ ସ୍ୱତନ୍ତ୍ର ଟିମ୍&zwnj; ଗଠନ କରାଯାଇ ତନାଘନା ଜାରି ରହିଛି ।</p> <p>ଲୁଟେରାମାନେ ପ୍ରଥମେ ସୁନହଟ ଏଟିଏମ୍&zwnj;କୁ ଯାଇ ପ୍ରାୟ ୨୬ଲକ୍ଷ ଲୁଟିବା ପରେ ପ୍ରମାଣ ନଷ୍ଟ ପାଇଁ ଏଟିଏମ୍&zwnj;ରେ ନିଆଁ ଲଗାଇ ଦେଇଥିଲେ। ଏହାସହ କିଛି ଯନ୍ତ୍ରାଂଶକୁ ନିକଟରେ ଥିବା ଡ୍ରେନ୍&zwnj;ରେ ଫୋପାଡି ଦେଇଥିଲେ ।</p> <p>ଏହାପରେ ଦୁର୍ବୃତ୍ତଙ୍କ ଟାର୍ଗେଟକୁ ଆସିଥିଲା ସହରର ଆଇଟିଆଇ ଛକ ନିକଟରେ ଥିବା ଏଟିଏମ୍। &nbsp;ଏଠାରେ ଗ୍ୟାସ କଟର ମାଧ୍ୟମରେ ଏଟିଏମ୍ କାଟିବା ପରେ ୧୦ଲକ୍ଷ ଟଙ୍କା ଲୁଟ୍ କରି ଦୁର୍ବୃତ୍ତମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ଆଜି ସକାଳେ ସାଇଣ୍ଟିଫିକ୍ ଟିମ୍ ଏବଂ ପୋଲିସ ଉଭୟ ଏଟିଏମ୍&zwnj;କୁ ଯାଇ ଛାନଭିନ୍ କରିଛନ୍ତି । କିଛି ଦୁର୍ବୃତ୍ତ ନମ୍ବର ବିହୀନ ବୋଲେରୋ ଗାଡିରେ ଆସି ଲୁଟ୍ କରିଥିବା ପ୍ରାଥମିକ ତଦନ୍ତରୁ ଜଣାପଡିଛି।</p> <p>ଏପଟେ କଟକରେ ମଧୁପାଟଣା ଥାନା ସାମ୍ନାରୁ ୬ ଲକ୍ଷ ଟଙ୍କା ଝାମିନେଇଛନ୍ତି ଲୁଟେରା । ଜଣେ ମହିଳା ଅରୁଣୋଦୟ ମାର୍କେଟ SBIରୁ ଟଙ୍କା ଉଠାଇ ନିଜର ସମ୍ପର୍କୀୟ ଭାଇ ସହ ବାଇକ୍&zwnj;ରେ ଫେରୁଥିବା ବେଳେ ଦୁର୍ବୃତ୍ତ ୬ଲକ୍ଷ ଟଙ୍କା ଲୁଟି ଫେରାର ହୋଇଯାଇଥିଲେ।</p>