ଭୁବନେଶ୍ୱର (ଓଡ଼ିଶା ରିପୋର୍ଟର): ବିଶ୍ୱ ସ୍ମାର୍ଟସିଟି ତାଲିକାରେ ଭୁବନେଶ୍ୱରକୁ ମିଳିଛି ୩୪ ନମ୍ବର ସ୍ଥାନ। ସିଙ୍ଗାପୁର ସ୍ଥିତ ଇଡେନ୍ ଷ୍ଟ୍ରାଟେଜୀ ଇନ୍ଷ୍ଟିଚ୍ୟୁଟ୍ ପକ୍ଷରୁ ଘୋଷିତ ୫୦ଟି ସ୍ମାର୍ଟସିଟି ତାଲିକାରେ ଭୁବନେଶ୍ୱରକୁ ଏହି ସ୍ଥାନ ପ୍ରଦାନ କରାଯାଇଛି।
ତାଲିକାର ଏକ ନମ୍ବରରେ ରହିଛି ଲଣ୍ଡନ। ଦ୍ୱିତୀୟ ସ୍ଥାନରେ ସିଙ୍ଗାପୁର ଥିବାବେଳେ ସିଓଲ୍କୁ ମିଳିଛି ୩ୟ ସ୍ଥାନ।
ସଦ୍ୟ ପ୍ରକାଶିତ ଏହି ତାଲିକାରେ ଭୁବନେଶ୍ୱର ସମେତ ଦିଲ୍ଲୀ, ସୁରଟ, ଅହମ୍ମଦାବାଦ ଏବଂ ପୁଣେ ସହରକୁ ମଧ୍ୟ ସ୍ଥାନିତ କରାଯାଇଛି। ୨୩ ନମ୍ବର ସ୍ଥାନରେ ରାଜଧାନୀ ଦିଲ୍ଲୀ ରହିଥିବାବେଳେ ୨୮ ନମ୍ବରରେ ସୁରଟ ଏବଂ ୩୪ ନମ୍ବରରେ ଭୁବନେଶ୍ୱର ଓ ଅହମ୍ମଦାବାଦ ତଥା ୩୬ ତମ ସ୍ଥାନରେ ରହିଛି ପୁଣେ ସହର।