ଖୋର୍ଦ୍ଧା (ବଳରାମ ଲେଙ୍କା): ଆଜି ସନ୍ଧ୍ୟା ବେଳେ ଜାତୀୟ ରାଜପଥର ଖଣ୍ଡଗିରି-ଖୋର୍ଦ୍ଧା ମଧ୍ୟବର୍ତ୍ତୀ ଗୋହିରାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଫଳରେ ଶିକ୍ଷୟିତ୍ରୀଙ୍କ ମୃତ୍ୟୁ ଘଟିଥିବା ଅନ୍ୟ ଜଣେ ଅବସରପ୍ରାପ୍ତ ପ୍ରଧାନଶିକ୍ଷକ ଗୁରୁତର ଆହତ ହୋଇଛନ୍ତି।
ଜଟଣୀ ମଧୁସୂଦନ ନଗର ବିନୋଦିନି ନାୟକ କାନ୍ତିଆ ହାଇସ୍କୁଲର ଶିକ୍ଷୟିତ୍ରୀ ଅଛନ୍ତି। ଆଜି ସନ୍ଧ୍ୟା ବେଳେ ଶ୍ରୀମତି ନାୟକ ଓ MDRC HIGH SCHOOLର ଅବସରପ୍ରାପ୍ତ ପ୍ରଧାନଶିକ୍ଷକ ଗୋକୁଳ ମହନ୍ତ ଏକ ସ୍କୁଟିରେ ପଞ୍ଚୁପଲି ହାଇସ୍କୁଲକୁ ଯାଉଥିଲେ। ଗୋହିରିଆ ଛକ ନିକଟରେ ସ୍କୁଟିକୁ ଏକ କାର୍ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ବିନୋଦିନିଙ୍କ ମୃତ୍ୟୁ ଘଟିଥିବା ବେଳେ ଗୋକୁଳ ମହନ୍ତ ଗୁରୁତର ଆହତ ହୋଇଥିଲେ। ତାଙ୍କୁ ଏମ୍ସରେ ଭର୍ତ୍ତି କରାଯାଇଛି। ତାଙ୍କର ସ୍ୱାସ୍ଥ୍ୟ ଅବସ୍ଥା ସଙ୍କଟାପନ୍ନ ରହିଥିବା ଜଣାପଡ଼ିଛି।