ବଲାଙ୍ଗିର(ଘଟେଶ୍ୱର ମିଶ୍ର): ଅର୍ଦ୍ଧନିର୍ମିତ ବ୍ରିଜ ଭିତରକୁ ପଶିଗଲା ବାଇକ। ଏହି ବ୍ରିଜ୍ ଉପରେ ଦୁର୍ଘଟଣା ଘଟିବାରୁ ବାଇକ୍ ଆରୋହିଙ୍କ ଭିତରୁ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। ଆଜି ରାତିରେ ବଲାଙ୍ଗିର ସମ୍ୱଲପୁର ଏନ.ଏଚ-୨୬ ଜାମସର ନିକଟରେ ଏହି ଦୁର୍ଘଟଣା ଘଟିଛି। ମୃତକ ଜଣକ ବରଗଡ ଜିଲ୍ଲା ଟେପରେନ ଗାଁର ଅନିଲ ବିଶି ଏବଂ ଗୁରୁତର ଜଣକ ଏହି ଗାଁର ଶଶିପାଲ ଭୋଇ।
ମିଳିଥିବା ସୂଚନା ମୁତାବକ, ଦୁହେଁ ୱେଲଡିଂ ମିସ୍ତ୍ରୀ ଭାବରେ କାମ କରନ୍ତି। ବଲାଙ୍ଗିରକୁ ନିଜର ବକେୟା ପାଉଣା ନେବା ପାଇଁ ଯାଇଥିଲେ। ବଲାଙ୍ଗିରରୁ ନିଜ ଗାଁକୁ ବାଇକ୍ରେ ଫେରୁଥିବା ସମୟରେ ବାଟରେ ଏହି ଦୁର୍ଘଟଣା ଘଟିଛି। ଘଟଣାସ୍ଥଳରେ ଅନିଲ ବିଶିଙ୍କ ମୃତ୍ୟୁ ହୋଇଥିବା ବେଲେ ଶଶିପାଲ ଭୋଇ ଗୁରୁତର ହୋଇଛନ୍ତି। ଶଶିପାଲଙ୍କୁ ବଲାଙ୍ଗିର ଭୀମଭୋଇ ମେଡିକାଲ କଲେଜ ହସପିଟାଲରେ ଭର୍ତ୍ତି କରାଯାଇଛି।
ଖବର ପାଇ ଲୋଇସିଂହା ପୁଲିସ ଘଟଣାର ତଦନ୍ତ ଆରମ୍ଭ କରିଛି।