ପାଣ୍ଡିଆନ୍‌ଙ୍କ ଘରକୁ ଗୋବର ମାଡ଼ ଘଟଣାରେ OTVକୁ ଟାଣିଲା ବିଜେଡି, OTV ଦେଲା ଏମିତି ସ୍ପଷ୍ଟୀକରଣ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବ୍ୟକ୍ତିଗତ ସଚିବ ଭି.କାର୍ତ୍ତିକେୟନ୍&zwnj; ପାଣ୍ଡିଆନ୍&zwnj;ଙ୍କୁ ନେଇ ତୀବ୍ର ହେବାରେ ଲାଗିଛି ବିବାଦ। ଦୁଇ ଦିନ ତଳେ ସଚିବାଳୟ ଆଗରେ ଶିକ୍ଷକମାନେ &lsquo;ପାଣ୍ଡିଆନ୍&zwnj; ହାଏ ହାଏ&rsquo; ସ୍ଲୋଗାନ ଦେଇଥିବା ବେଳେ ଆଜି କିନ୍ତୁ ବିଜେପି କର୍ମୀ ତାଙ୍କ ସରକାରୀ କ୍ୱାର୍ଟର୍ସରେ ଧସେଇ ପଶିବା ସହିତ ଗେଟ୍&zwnj;କୁ ଗୋବର ମାଡ଼ କରିଥିଲେ। ଏପରିକି କ୍ୱାର୍ଟର୍ସ ପରିସରରେ କର୍ମୀମାନେ ଭଙ୍ଗା ରୁଜା କରିଥିବା ଅଭିଯୋଗ ହୋଇଥିଲା। ତେବେ ଘଟଣା ଘଟିବା ପରେ ପରେ ଏକ ସାମ୍ୱାଦିକ ସମ୍ମିଳନୀ କରି ବିଜେଡି ପୂରା ଘଟଣା ପାଇଁ ବିଜେପିକୁ ଦାୟୀ କରିଛି। ତା&rsquo;ସହ OTV କୁ ମଧ୍ୟ ବି ଏହି ବିବାଦ ଭିତରକୁ ଟାଣିଛି। ଦଳର ମୁଖପାତ୍ର ପ୍ରତାପ ଦେବ କହିଛନ୍ତି, ପ୍ରଥମେ OTVର ପ୍ରତିନିଧି ଆସି ପାଣ୍ଡିଆନ୍&zwnj; ଅଛନ୍ତି ନା ନାହିଁ ପଚାରିବାର କିଛି ସମୟ ପରେ ବିଜେପି କର୍ମୀମାନେ ଆସିଥିଲେ। ତେଣୁ ଏହା ଏକ ଯୋଜନା ଥିଲା। ସେ ପ୍ରଶ୍ନ କରିଛନ୍ତି, ଘଟଣା ଘଟିବ ବୋଲି OTV ଜାଣିଲା କେମିତି?</p> <p>&lt;a href=&quot;&quot;&gt;(image) &lt;/a&gt;ବିଜେଡିର ଆରୋପ ଉପରେ ଓଟିଭି ସ୍ପଷ୍ଟୀକରଣ ଦେଇଛି। ଏହି ଖବର ବିଜେପି ସୂତ୍ରରୁ ନୁହେଁ, ବରଂ ଏକ ହ୍ୱାଟ୍ସଆପ୍ ଗ୍ରୁପ୍&zwnj;ରୁ ଆସିଥିଲା ବୋଲି OTVର ସମ୍ପାଦନା ମଣ୍ଡଳୀ ପକ୍ଷରୁ କୁହାଯାଇଛି। ଏହି ଗ୍ରୁପ୍&zwnj;ରେ ଗଣମାଧ୍ୟମ ପ୍ରତିନିଧିଙ୍କ ସହ ରାଜ୍ୟ ସରକାରଙ୍କ ଗୁଇନ୍ଦା ବିଭାଗର ଅଧିକାରୀମାନେ ମଧ୍ୟ ରହିଛନ୍ତି। ଏକ ଦାୟିତ୍ୱବାନ ଗଣମାଧ୍ୟମ ହିସାବରେ ଏହି ସୂଚନା ପାଇବା ପରେ ଖବର ସଂଗ୍ରହ ପାଇଁ ସେଠାକୁ OTV ପ୍ରତିନିଧି ପହଞ୍ଚି ଥିଲେ। ଦଳମତ ନିର୍ବିଶେଷରେ ବିଜେଡି ହେଉ କି ବିଜେପି କିମ୍ବା କଂଗ୍ରେସ୍, ଯେଉଁ ଦଳ ବି ଏଭଳି ପ୍ରତିବାଦ କିମ୍ବା ଆନ୍ଦୋଳନ ନେଇ ଆଗୁଆ ସୂଚନା ଦିଅନ୍ତି, ଖବର ସଂଗ୍ରହ ପାଇଁ OTV ପ୍ରଥମେ ପହଞ୍ଚିବାକୁ ଚେଷ୍ଟା କରେ। ରାଜ୍ୟର ଅଗ୍ରଣୀ ନ୍ୟୁଜ ଚ୍ୟାନେଲ ହିସାବରେ ସର୍ବଦା ସବୁଠି ପ୍ରଥମେ ପହଞ୍ଚିବାକୁ ଚେଷ୍ଟା କରିଆସିଛୁ। ଏହା OTVର ଦୈନିକ କାର୍ଯ୍ୟଧାରାର ଏକ ଅଂଶବିଶେଷ। ତେଣୁ ଓଟିଭି ଉପରେ ବିଜେଡି ଯେଉଁ ଅଭିଯୋଗ ଆଣୁଛି, ତାହା ସଂପୂର୍ଣ୍ଣ ନିରାଧାର ବୋଲି OTV କର୍ତ୍ତୃପକ୍ଷ କହିଛନ୍ତି। ଏଠି ପ୍ରଶ୍ନ ଉଠୁଛି ଯଦି ହ୍ୱାଟ୍ସଆପ୍ ଗ୍ରୁପ୍&zwnj;ରୁ ସୂଚନା ପାଇଁ ଆମ ପ୍ରତିନିଧି ଘଟଣାସ୍ଥଳରେ ପହଞ୍ଚି ପାରିଲେ, ସେହି ହ୍ୱାଟ୍ସ ଆପ୍ ଗ୍ରୁପରେ ଥିବା ଗୁଇନ୍ଦା ଅଧିକାରୀମାନେ ଏହି ସଂପର୍କରେ କିଭଳି ଜାଣିପାରିଲେ ନାହିଁ? OTV ପ୍ରତିନିଧି ଆହୁରି ମଧ୍ୟ କହିଛନ୍ତି ଯେ, ତାଙ୍କ ପୂର୍ବରୁ ସେଠି ଆ ଦୁଇଟି ଗଣମାଧ୍ୟମ ଉପସ୍ଥିତ ଥିଲେ।</p> <p>https://youtu.be/McMu8cHFugs</p>