ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡିଶା ରିପୋର୍ଟର): ଅଧିକ ବ୍ୟବସ୍ଥିତ ହେବ ନ୍ୟାସନାଲ ଏଲିଜିବିଲିଟି କମ୍‌ ଏଣ୍ଟ୍ରାନ୍ସ ଟେଷ୍ଟ ବା ନିଟ୍ । ଅନିୟମିତତା ରୋକିବା ଲାଗି ନୂଆ କଟକଣା ଲଗାଇଛି ସିବିଏସଇ। ସଂପୂର୍ଣ୍ଣ ଭାବେ ସ୍ୱଚ୍ଛ ହେବ ଡାକ୍ତରୀ ପାଠ୍ୟକ୍ରମ ଲାଗି ଉଦ୍ଦିଷ୍ଟ ନ୍ୟାସନାଲ ଏଲିଜିବିଲିଟି କମ୍ ଏଣ୍ଟ୍ରାନ୍ସ ଟେଷ୍ଟ ବା ନିଟ୍ । କେହି ବି ନେଇପାରିବେନି ଅବାଞ୍ଛିତ ସୁଯୋଗ। ଏଥିଲାଗି ପରୀକ୍ଷାନିୟମକୁ ଅଧିକ କାଡାକଡ଼ି କରିଛି CBSE। ଦେଶର ବିଭିନ୍ନ ସ୍ଥାନରୁ ନୂଆ ନୂଆ ଉପାୟରେ ଠକେଇର ଅଭିଯୋଗ ଆସିବା ପରେ CBSE ଏହି ପଦକ୍ଷେପ ନେଇଛି। ମୋବାଇଲ ଫୋନ, ବ୍ଲୁ ଟୁଥ୍ ପରି ଇଲେକ୍ଟ୍ରୋନିକ୍ ଉପକରଣ ସହ ଇଅରରିଂ, ଉଚ୍ଚ ହିଲର ଚପଲ, ହେୟାର କ୍ଲିପ ଭଳି ସାମଗ୍ରୀ ଉପରେ ଆଗରୁ କଟକଣା ରହିଥିବା ବେଳେ ଏସବୁ ଉପକରଣକୁ ଗୁପ୍ତରେ କେହି ଯେମିତି ପରୀକ୍ଷା ହଳକୁ ନେଇ ନ ପାରିବେ ସେଥିଲାଗି ଡ୍ରେସ୍ କୋର୍ଡ ବ୍ୟବସ୍ଥା ଲାଗି କରିଛି ସିବିଏସଇ।</p> <p>ଛାତ୍ରଛାତ୍ରୀମାନେ ପରୀକ୍ଷା କେନ୍ଦ୍ରକୁ ହାଲୁକା ରଙ୍ଗର ହାଫ ସ୍ଲିଭ ପୋଷାକ ପିନ୍ଧକି ଯିବେ । ସାର୍ଟ,ପ୍ୟାଣ୍ଟ କିମ୍ବା ମହିଳାଙ୍କ ଅନ୍ୟ ପୋଷାକରେ ବଡ ସାଇଜର ବୋତାମ, ବ୍ୟାଜ୍ କିମ୍ବା ଡିଜାଇନ୍ ସାମଗ୍ରୀ ଲାଗି ନ ଥିବ। ଗତବର୍ଷ ଏହି ପ୍ରସ୍ତାବ ପାରିତ ହୋଇଥିବା ବେଳେ ଚଳିତ ବର୍ଷରୁ ଏହାକୁ ଲାଗୁ କରାଯିବ।</p> <p>ଆସନ୍ତା ମେ ୬ ତାରିଖରେ ହେବାକୁ ଥିବା NEET ପରୀକ୍ଷାରେ ନୂଆ ଡ୍ରେସ୍ କୋର୍ଡ ବ୍ୟବସ୍ଥା ଲାଗୁ ହେବ । ତେବେ ବ୍ୟବସ୍ଥା ଯେତେ ଦୃଢ ହେଲେ ମଧ୍ୟ ଠକେଇର ନୂଆ ଫଣ୍ଡା ପଦାକୁ ଆସୁଛି । ସେ ଦୃଷ୍ଟିରୁ ସିବିଏସଇ ନେଇଥିବା ପଦକ୍ଷେପ ଆଗାମୀ ଦିନରେ ପରୀକ୍ଷାରେ ସ୍ୱଚ୍ଛତା ଆଣିବାରେ କେତେ ସହାୟକ ହେଉଛି ତା ପରେ ନଜର ରହିବ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
