ମହାନଦୀ ପରେ ଇବ୍‌ ନଦୀ ଉପରେ ଛତିଶଗଡ଼ର ଆଖି

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ମହାନଦୀ ପରେ ଏହାର ଏକ ପ୍ରମୁଖ ଉପନଦୀ ଇବ୍ ଉପରେ ଛତିଶଗଡ଼ର ଆଖି। ନଦୀ ଉପରମୁଣ୍ଡ ଯଶପୁର ଜିଲ୍ଲା ଗୁଲ୍ଲୁରେ ଜଳବିଦ୍ୟୁତ ପ୍ରକଳ୍ପ ଓ ଜଳସେଚନ ପାଇଁ ଡ୍ୟାମ୍ ନିର୍ମାଣ କରି ନଦୀସ୍ରୋତକୁ ଅଟକାଇ ଦେଇଛି ଛତିଶଗଡ଼। ଯାହାର ଫଳ ଭୋଗିବାକୁ ପଡ଼ୁଛି ସୁନ୍ଦରଗଡ଼ ଓ ଝାରସୁଗୁଡ଼ା ଜିଲ୍ଲାବାସୀଙ୍କୁ। ଏଥିସହ ଇବରେ ଯଥେଷ୍ଟ ପରିମାଣର ଜଳ ଆସିବାର ସମ୍ଭାବନା କମି ଯାଉଥିବାରୁ, ହୀରାକୁଦ ଜଳସ୍ତର କମିବା ନେଇ ମଧ୍ୟ ଆଶଙ୍କା ସୃଷ୍ଟି ହୋଇଛି।</p><p>&lt;a href=&quot;&quot;&gt;(image) &lt;/a&gt;୨୦୧୬ରୁ ୧୮ ମଧ୍ୟରେ ସ୍ଥିତି ବିଗିଡ଼ି ଗଲାଣି। ଏହି ୨ବର୍ଷ ଭିତରେ ଜଳ ପ୍ରପାତ ତ ହଜି ଗଲାଣି, ଜଳ ସ୍ରୋତ ବି ଦିଶୁନି। କେବଳ ଠାଏଁ ଠାଏଁ କିଛି ଜଳ ଜମିରହିଛି। ଇବ୍ ଉପରମୁଣ୍ଡରେ ଜଳ ବିଦ୍ୟୁତ ପ୍ରକଳ୍ପ ନିର୍ମାଣ କରିବା ପରେ ଇବରେ ଧାର ଶୁଖି ଯାଇଛି।&nbsp; (ଡବଲ୍ ଓ୍ୱିଣ୍ଡୋ) ବେନେ ପଞ୍ଚାୟତ ଗୁଲ୍ଲୁରେ ଥିବା ଏହି ଡ୍ୟାମରେ ଗୋଟିଏ ପଟେ ଇବ୍ ସଜଳା ଥିବା ବେଳେ ଆରପଟେ ପୂରା ନିର୍ଜଳା। ଏହି ଡ୍ୟାମରୁ ଟନେଲ୍ ଯୋଗେ ପାଣି ନେଇ ୨୪ ମେଗାଓ୍ୱାଟ୍ ବିଦ୍ୟୁତ ଉତ୍ପାଦନ କରିବା ସହିତ ଅନ୍ୟ ଏକ ଡ୍ୟାମରୁ ଚାଷଜମିକୁ ଜଳସେଚନ କରିବାକୁ ଯୋଜନା କରିଛି ଛତିଶଗଡ଼ ସରକାର। &nbsp;କିନ୍ତୁ ଏହାର ଫଳ ଭୋଗିବାକୁ ପଡ଼ୁଛି ସୁନ୍ଦରଗଡ଼ ଓ ଝାରସୁଗୁଡ଼ା ଜିଲ୍ଲାବାସୀଙ୍କୁ। ଇବ୍ ଶୁଖିଲା ପଡ଼ିଥିବାରୁ ଚିନ୍ତାରେ ଉଭୟ ଜିଲ୍ଲାର ଚାଷୀ।</p><p>&lt;a href=&quot;http://odishareporter.in/wp-content/uploads/2018/04/vlcsnap-2018-04-20-09h32m44s354.png&quot;&gt;(image) &lt;/a&gt;ମହାନଦୀ ଓ ଏହାର ଉପନଦୀରେ ଜଳ ପ୍ରବାହକୁ ରୋକି, ଓଡ଼ିଶାକୁ ମରୁଭୂମିରେ ପରିଣତ କରିବା ପାଇଁ ଛତିଶଗଡ଼ର ଏହା ଏକ ଷଡ଼ଯନ୍ତ୍ର ବୋଲି ବିଜେଡି କହିବା ସହିତ ଏହି ଷଡ଼ଯନ୍ତ୍ରରେ କେନ୍ଦ୍ର ସରକାର ମଧ୍ୟ ସାମିଲ ଅଛନ୍ତି ବୋଲି କହିଛି।&nbsp; ଅନ୍ୟପକ୍ଷରେ ରାଜ୍ୟ ସରକାରଙ୍କ ଉପରେ ଦୋଷ ଲଦିଛି ରାଜ୍ୟ ବିଜେପି।</p><p>&lt;a href=&quot;http://odishareporter.in/wp-content/uploads/2018/04/vlcsnap-2018-04-20-09h29m49s455.png&quot;&gt;(image) &lt;/a&gt;କେବଳ ଗୁଲ୍ଲୁ ନୁହେଁ, ଇବ୍ ନଦୀ ଉପରେ ଯଶପୁର ସମଡମା ଠାରେ ଆଉ ଏକ ବ୍ୟାରେଜ୍ ନିର୍ମାଣ କରିବାକୁ ମଧ୍ୟ ଯୋଜନା କରୁଛି ଛତିଶଗଡ଼। ପ୍ରଶ୍ନ ଉଠୁଛି ଇବର ପାଣିକୁ ରୋକି ଛତିଶଗଡ଼ର ପ୍ରକଳ୍ପ ଯୋଜନା ହୀରାକୁଦରେ ଜଳସଂକଟ ସୃଷ୍ଟି କରିବନି ତ ?</p><p>https://youtu.be/8BWgVFeYrLw</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।