ହୁସିଆର୍‌, କଟକରେ ବିକ୍ରି ହେଉଛି ଅପମିଶ୍ରିତ ଲସି ଓ ସର୍ବତ!

କଟକ (ଓଡ଼ିଶା ରିପୋର୍ଟର): ନକଲି ସାମଗ୍ରୀକୁ ଚର୍ଚ୍ଚାରେ ଥିବା କଟକରେ ବିକ୍ରି ହେଉଥିଲା ଅପମିଶ୍ରିତ ସର୍ବତ ଓ ଲସି। ଯେଉଁଥିପାଇଁ ଆଜି କଟକ ମହାନଗର ନିଗମ(ସିଏମ୍‌ସି) ସ୍ୱାସ୍ଥ୍ୟ ବିଭାଗ ବିଭିନ୍ନ ଲସି ଓ ସର୍ବତ ଦୋକାନରେ ଚଢ଼ଉ କରିଛି। ଚଢ଼ଉ ସମୟରେ ଅନେକ ଦୋକାନରୁ ଅପମିଶ୍ରିତ ସର୍ବତ ଓ ଲସି ନଷ୍ଟ କରିଥିଲା ସ୍ୱାସ୍ଥ୍ୟ ବିଭାଗ। ଏହାଛଡ଼ା ଦହି, ରାବିଡ଼ି ଓ ରାସାୟନିକ ଏସେନ୍ସର ମାନ ମଧ୍ୟ ଯାଞ୍ଚ କରିଥିଲା ସ୍ଵାସ୍ଥ୍ୟ ବିଭାଗ। ଅନ୍ୟପକ୍ଷରେ କେତେକ ଫାଷ୍ଟଫୁଡ୍‌ ଦୋକାନରେ ଚଢ଼ଉ କରି ବହୁ ପରିମାଣରେ ବାସୀ ଖାଦ୍ୟକୁ ଜବତ କରାଯାଇ ଥିଲା ସିଏମ୍‌ସି ସ୍ୱାସ୍ଥ୍ୟ ବିଭାଗ।

ଗତ କିଛି ଦିନ ହେଲା କଟକ ମହାନଗର ଅଞ୍ଚଳରୁ ଧରା ପଡ଼ୁଛି ନକଲି ସାମଗ୍ରୀ। କେତେବେଳେ ଲଙ୍କା ଗୁଣ୍ଡ ତ ଆଉ କେତେବେଳେ ହଳଦୀ ଗୁଣ୍ଡ ଓ ସିମେଣ୍ଟ। ସତେ ଯେମିତି ଲାଗୁଛି ସବୁ ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଛି କଟକ! ସିଏମ୍‌ସି ସ୍ୱାସ୍ଥ୍ୟ ବିଭାଗ ଓ କମିଶନରେଟ୍‌ ପୁଲିସ୍‌ ବିଭିନ୍ନ ସମୟରେ ଚଢ଼ଉ କରି ନକଲି ସାମଗ୍ରୀକୁ ନଷ୍ଟ କରୁଥିବା ଦେଖିବାକୁ ଆଜି ଲସି ଓ ସର୍ବତ ଦୋକାନରେ ଚଢ଼ଉ କରି ନଷ୍ଟ କରିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।