ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜୀବ ଗାନ୍ଧି ଯେଉଁ କମ୍ପାନୀରେ ପାଇଲଟ ଥିଲେ ମୁଁ ବି ସେଇ କମ୍ପାନୀରେ ପାଇଲଟ ଅଛି । ସେ କମ୍ପାନୀ ଛାଡ଼ିକି ଆସି ପ୍ରଧାନମନ୍ତ୍ରୀ ହୋଇଥିଲେ । ସେ ଆମ ପାଇଁ ଗର୍ବ । କଂଗ୍ରେସ ନେତା ସୁର ରାଉତ୍ ରାୟଙ୍କ ସାନ ପୁଅ ମନ୍ମଥ ରାଉତରାୟ। ସୁର ଆଜି ସ୍ୱର୍ଗତ ରାଜୀବ ଗାନ୍ଧିଙ୍କ ଜନ୍ମଦିନ ଅବସରରେ ଆୟୋଜିତ ଉତ୍ସବରେ ଯୋଗ ଦେଇ ମନ୍ମଥ କହିଛନ୍ତି ଯେ,
ମୁଁ ଏବେ ଚାକିରୀରେ ଅଛି । ବାପାଙ୍କୁ ସାହାଯ୍ୟ କରିବାକୁ ଆସିଛି । ମୁଁ ଜାତି ବାଦକୁ ବିଶ୍ୱାସ କରେନି । ଗାଁ ଗାଁ ବୁଲି ଲୋକଙ୍କ ପାଖରେ ପହଞ୍ଚିଛି । କରୋନା ସମୟରେ ସେମାନଙ୍କୁ ସାହାଯ୍ୟ କରିଛି । ମୁଁ ପାର୍ଟି ଲାଇନରେ କାମ କରିନି । ମୁଁ ଏବେ ବାବାଙ୍କଠାରୁ ଶିଖୁଛି । ମୁଁ ସେତିକି ପ୍ରଫେସନାଲ ନୁହେଁ ଯେ ପାର୍ଟି ଲାଇନରେ କାମ କରିବି ।
ମୁଁ ଏବେ ସାମାଜିକ ମଙ୍ଗଳ କାମ କରୁଛି । ଏହାର ମାନେ ନୁହେଁ ଯେ ମୁଁ ରାଜନୀତି କରିବା ପାଇଁ ଏସବୁ କରୁଛି । ବାପାଙ୍କର ୱାର୍କ ଲୋଡ କମାଇବା ପାଇଁ ମୁଁ ଏସବୁ କରୁଛି । ବର୍ତ୍ତମାନ ରାଜନୈତିକ ପରିସ୍ଥିତି ଏବଂ ପରିବେଶ ଭଲ ନାହିଁ । ରାଜନୀତିକୁ ଏବେ ଧର୍ମ ବିବେଚନା କରାଗଲାଣି । ତେଣୁ ଏବେ ରାଜନୀତିରେ ଆସିବାକୁ ଚାହୁଁନି । ସେପଟେ ପୁଅ ଯଦି ରାଜନୀତିକୁ ଆସିବା ପାଇଁ ଇଚ୍ଛା କରେ ତେବେ ତାଙ୍କର କିଛି ଆପତ୍ତି ନାହିଁ ବୋଲି ସୁର କହିଛନ୍ତି।