କଂଗ୍ରେସ ଭବନରେ ପିସିସି କର୍ମକର୍ତ୍ତାଙ୍କ ବୈଠକ:୨୦୧୭ ପଞ୍ଚାୟତ ଓ ଜିଲ୍ଲା ପରିଷଦ ନିର୍ବାଚନ ପାଇଁ ରଣନୀତି ପ୍ରସ୍ତୁତ

ଭୁବନେଶ୍ୱର: ୨୦୧୭ ପଞ୍ଚାୟତ ଓ ଜିଲ୍ଲା ପରିଷଦ ନିର୍ବାଚନ ପାଇଁ ଅଣ୍ଟା ଭିଡ଼ିଲା ପ୍ରଦେଶ କଂଗ୍ରେସ କମିଟି। ଏଥିପାଇଁ ଭୁବନେଶ୍ୱର କଂଗ୍ରେସ ଭବନରେ ଆୟୋଜିତ ପ୍ରଦେଶ କଂଗ୍ରେସ କମିଟି କର୍ମକର୍ତ୍ତାଙ୍କ ବୈଠକରେ ଏନେଇ ରଣନୀତି ପ୍ରସ୍ତୁତ ହୋଇଥିବା ସୂଚନା ଦେଇଛନ୍ତି ପିସିସି ପ୍ରଭାରୀ ବି.କେ. ହରିପ୍ରସାଦ। କଂଗ୍ରେସ ନେତାମାନେ ବିଭିନ୍ନ ଜିଲ୍ଲା ଗସ୍ତ କରି ଲୋକ ଜାଗରଣ କରିବେ। ଆଗାମୀ ତିନି ମାସ ମଧ୍ୟରେ ରାଜ୍ୟର ବିଭିନ୍ନ ଜିଲା ଓ ବ୍ଲକ୍ ତଥା ବୁଥ୍ ସ୍ତରୀୟ କଂଗ୍ରେସ କମିଟି ଗଠନ କରାଯିବ ବୋଲି କହିଛନ୍ତି ପିସିସି ସଭାପତି ପ୍ରସାଦ ହରିଚନ୍ଦନ। କଂଗ୍ରେସ ସାଂଗଠନିକ ଢାଞ୍ଚା ଗଠନ କରିବା ସହ ଆଗାମୀ ୬ ମାସରେ କଂଗ୍ରେସ କର୍ମୀମାନେ କିଭଳି କାର୍ଯ୍ୟ କରିବେ, ସେ ନେଇ ରୂପରେଖ ଚୂଡ଼ାନ୍ତ ହୋଇଛି। ଏହି ଅବସରରେ ପ୍ରଦେଶ କଂଗ୍ରେସ କମିଟିର ୱେବସାଇଟ୍ ଉନ୍ମୋଚନ କରାଯାଇଥିଲା।