ଅଟୋ ଡ୍ରାଇଭରଙ୍କୁ କାହିଁକି ଖୋଜୁଛି କ୍ରାଇମ୍‌ବ୍ରାଞ୍ଚ? ସୂଚନା ଦେଲେ ୨୫ ହଜାର ଟଙ୍କା ପୁରସ୍କାର ଦେବ

<p>ରାୟପୁର (ଓଡ଼ିଶା ରିପୋର୍ଟର): ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାର ମୁଖ୍ୟ ଅଭିଯୁକ୍ତ ପୁଞ୍ଜିଲାଲ୍ ମେହେରଙ୍କୁ ଧରି ରାୟପୁରରେ ଛାନ୍&zwnj;ଭିନ୍&zwnj; ଜାରି ରଖିଛି କ୍ରାଇମବ୍ରାଞ୍ଚ। ଗତ ଦୁଇ ଦିନ ହେଲା ପୁଞ୍ଜିଲାଲଙ୍କୁ ବିଭିନ୍ନ ସ୍ଥାନକୁ ନେଇ କ୍ରାଇମବ୍ରାଞ୍ଚ ଡେମୋ କରାଉଛି। ତେବେ ଯେଉଁ ଅଟୋ ଚାଳକଙ୍କ ସହାୟତାରେ ପୁଞ୍ଜିଲାଲ୍ କୋରିୟର କରିଥିଲା, ତାଙ୍କ ସମ୍ପର୍କରେ ବର୍ତ୍ତମାନ ସୁଦ୍ଧା କୌଣସି ତଥ୍ୟ ପାଇପାରିନାହିଁ କ୍ରାଇମବ୍ରାଞ୍ଚ। ଉକ୍ତ ଅଟୋ ଚାଳକଙ୍କ ସମ୍ପର୍କରେ ତଥ୍ୟ ଯୋଗାଡ଼ ପାଇଁ କ୍ରାଇମବ୍ରାଞ୍ଚ ଆଇଜି ଅରୁଣ ବୋଥ୍ରାଙ୍କ ନେତୃତ୍ୱରେ ଏକ ଟିମ୍ ରାୟପୁରରେ ତନାଘନା ଜାରି ରଖିଛି। ଏହି ଅଟୋ ଚାଳକଙ୍କ ସମ୍ପର୍କରେ ଯିଏ ସୂଚନା ଦେବେ ତାଙ୍କୁ ୨୫ ହଜାର ଟଙ୍କାର ପୁରସ୍କାର ରାଶି ଦିଆଯିବ ବୋଲି ଆଇଜି ଅରୁଣ ବୋଥ୍ରା ରାୟପୁରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ପୁଞ୍ଜିଲାଲ୍ ସଂପୃକ୍ତ ଅଟୋ ଚାଳକଙ୍କୁ ଅଧିକ ୨୦ ଟଙ୍କା ଦେଇ ସ୍କାଏକିଙ୍ଗ କୋରିୟର ସଂସ୍ଥାରେ ପାର୍ସଲ୍ ବୁକିଂ କରାଇଥିଲେ।</p><p>ଆଇଜି କହିଛନ୍ତି,&ldquo;ଡ୍ରାଇଭର ଉପରେ ଆମର ରାଗ ନାହିଁ। ସେ ତା କାମ କରିଛି। ସେ ଜାଣି ନଥିଲା ପାର୍ସଲ ଭିତରେ ବୋମା ଅଛି। ଡ୍ରାଇଭର ମିଳିଗଲେ ଦୋଷୀକୁ ଦଣ୍ଡ ଦେବା ସହଜ ହେବ। ତାଙ୍କ ସମ୍ପର୍କରେ ଯିଏ ସୂଚନା ଦେବ ତାଙ୍କୁ ୨୫ ହଜାର ଟଙ୍କା ପୁରସ୍କାର ମିଳିବ।&rdquo;</p><p>ଆଇଜି ବୋଥ୍ରା ଆହୁରି ମଧ୍ୟ କହିଛନ୍ତି ଯେ ସେ ଡ୍ରାଇଭର ମିଳିଲେ ଭଲ। ନ ମିଳିଲେ ବି ବିଶେଷ କିଛି ଫରକ ପଡ଼ିବନି। କାରଣ ଅଭିଯୁକ୍ତକୁ ଦୋଷୀ ସାବ୍ୟସ୍ତ କରିବା ପାଇଁ ଯଥେଷ୍ଟ ପ୍ରମାଣ ରହିଛି। କାରଣ ପୂର୍ବରୁ ପୁଞ୍ଜିଲାଲ ନିଜର ସମସ୍ତ ଦୋଷକୁ ସ୍ୱୀକାର କରି ସାରିଛନ୍ତି ଏବଂ ଘଟଣାରେ ଅନୁତାପ କରି କ୍ରାଇମବ୍ରାଞ୍ଚ ଆଗରେ କାନ୍ଦି ପକାଇଛନ୍ତି। ଏହାବ୍ୟତୀତ ଫରେନ୍ସିକ୍ ଯାଞ୍ଚ ପାଇଁ ପଠାଯାଇଥିବା ମୋବାଇଲ୍, ଲ୍ୟାପ୍&zwnj;ଟପ୍&zwnj; ଏବଂ ଡାଏରୀର ରିପୋର୍ଟ ଆସିବା ପରେ ଅନେକ ତଥ୍ୟ ପ୍ରମାଣିତ ହୋଇଯିବ ବୋଲି ସେ କହିଛନ୍ତି।</p><p>ଆସନ୍ତାକାଲି ପୁଞ୍ଜିଲାଲ୍&zwnj;ଙ୍କ ଦ୍ୱିତୀୟ ପର୍ଯ୍ୟାୟ ରିମାଣ୍ଡ ଅବଧି ସରୁଛି। &nbsp;ଏହାପରେ ତାଙ୍କୁ ପାଟଣାଗଡ଼ ଏସ୍&zwnj;ଡିଜେଏମ୍&zwnj; ତାଙ୍କୁ ହାଜର କରାଯିବ। ତାଙ୍କୁ କ୍ରାଇମବ୍ରାଞ୍ଚ ଆହୁରି ରିମାଣ୍ଡରେ ନେବ ନା ନାହିଁ, ତାହା ପରବର୍ତ୍ତୀ ସମୟରେ ସ୍ପଷ୍ଟ ହେବ।</p><p>ଭିଡିଓରେ ଶୁଣନ୍ତୁ ଆଇଜି ଆଉ କ&rsquo;ଣ କହିଛନ୍ତି-</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।