ବିଜେଡି ସାଂସଦଙ୍କ ପ୍ରତିନିଧି ବୋଲି ଅଭିଯୁକ୍ତକୁ ଗିରଫ କରୁନି ପୋଲିସ୍‌ ?

<p>ଅନୁଗୋଳ (ବିରଜା ଦାଶ): ଓଲିଉଡ୍&zwnj; ଓ ଜଲିଉଡ୍&zwnj;ର ପ୍ରତିଷ୍ଠିତ ଅଭିନେତ୍ରୀ ଉଷସୀ ମିଶ୍ର ଯାତ୍ରା ପରିବେଷଣ କରିବାକୁ ଅନୁଗୋଳ ଜିଲ୍ଲା କଣିହାଁ ଥାନା ଅନ୍ତର୍ଗତ ଡେରଙ୍ଗ ଗାଁକୁ ଯାଇଥିଲେ। ରାତିରେ ବିଚ୍&zwnj; ରାସ୍ତାରେ ତାଙ୍କ ପ୍ରତି ହୋଇଥିଲା ଅସଦାଚରଣ। ଇନ୍ଦ୍ରମଣୀ ସାହୁ ନାମକ ଜଣେ ବ୍ୟକ୍ତି ଓ ତାଙ୍କର ଦୁଇ ପୁଅ ଉଷସୀଙ୍କୁ ଉଲ୍ଲଗ୍ନ କରିବାକୁ ଉଦ୍ୟମ କରିଥିବା ଅଭିଯୋଗ ହୋଇଛି। ଏହି ଘଟଣାକୁ ୪ ଦିନ ବିତିଲାଣି। ହେଲେ ଏପର୍ଯ୍ୟନ୍ତ ପୋଲିସ ମୁଖ୍ୟ ଅଭିଯୁକ୍ତଙ୍କୁ ଗିରଫ କରିପାରି ନାହିଁ। କେବଳ ଲୋକ ଦେଖାଣିଆ ଭାବେ ଜଣେ ଡ୍ରାଇଭରକୁ ଗିରଫ କରି ଚୁପ୍&zwnj; ବସିଛି। ଏହା ବିରୋଧରେ ଗତକାଲି ଉଷସୀ ସାମ୍ୱାଦିକ ସମ୍ମଳନୀ କରି ପୋଲିସ୍&zwnj; ପ୍ରଶାସନ ଓ ଯାତ୍ରା ପାର୍ଟି ମାଲିକଙ୍କ ଉପରେ ବର୍ଷି ଥିଲେ। ଆଉ କହିଥିଲେ, ସୁରକ୍ଷା ନମିଳିଲେ ମଞ୍ଚ ଚଢ଼ିବି ନାହିଁ। ଉଷସୀଙ୍କ ଏପରି ଧମକ ପରେ ଯାତ୍ରା ପ୍ରେମୀ ଓ କଳାକାରଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଅନ୍ୟପକ୍ଷରେ ଆକ୍ରମଣ କରିଥିବା ବ୍ୟକ୍ତି ଜଣକ ବିଜେଡି କର୍ମୀ ତଥା ଢେଙ୍କାନାଳ ସାଂସଦ ତଥାଗତ ସତପଥୀଙ୍କ ପ୍ରତିନିଧି ହୋଇଥିବାରୁ ପୋଲିସ୍&zwnj; ଜାଣିଶୁଣି ଗିରଫ କରୁନାହିଁ ବୋଲି ତାଳଚେରର ଯୁବ ସମାଜସେବୀ ସଙ୍ଗଠନ ଅଭିଯୋଗ କରି ଆଜି ଉତ୍ତର-କେନ୍ଦ୍ରାଞ୍ଚଳ ଡିଆଇଜିଙ୍କ ଡିଆଇଜିଙ୍କ ଦ୍ୱାରସ୍ଥ ହୋଇଛନ୍ତି।</p> <p>ଡିଆଇଜିଙ୍କ ପାଖରେ ହୋଇଥିବା ଅଭିଯୋଗରୁ ପ୍ରକାଶ, ଢେଙ୍କାନାଳ ସାଂସଦଙ୍କ କଣିହାଁ ପ୍ରତିନିଧି ଇନ୍ଦ୍ରମଣୀ ସାହୁ ଯାତ୍ରା ପରିବେଷଣ କରିବାକୁ ଆସୁଥିବା ଅଭିନେତ୍ରୀ ଉଷସୀ ମିଶ୍ରଙ୍କୁ ରାସ୍ତାରେ ଟଣାଓଟରା କରିଛନ୍ତି। ଏପରିକି ଚୁଟି ଘୋଷାରି ମାଡ଼ ମଧ୍ୟ ମାରିଛନ୍ତି। ଏହା ଅତିନିନ୍ଦନୀୟ ଘଟଣା। ଏହା ଦ୍ୱାରା ତାଳଚେର ନାଁ ବଦନାମ ହେଉଛି। ବିଜେଡିର ଏହି ନେତା ବହୁ ଅପରାଧ କରିଛନ୍ତି। ସାଂସଦଙ୍କ ଇଙ୍ଗିତରେ ସେ ସାଧାରଣ ଲୋକଙ୍କୁ ମାରପିଟ୍&zwnj; କରନ୍ତି। ବିଜେଡି ମାଆ ଓ ନାରୀକୁ ସମ୍ମାନ କଥା କହୁଥିବା ବେଳେ ବିଚ୍&zwnj; ରାସ୍ତାରେ ଜଣେ ପ୍ରତିଷ୍ଠିତ ଅଭିନେତ୍ରୀଙ୍କୁ ରାସ୍ତାରେ ଚୁଟି ଘୋଷାରି ମାଡ଼ ମାରିବା କେଉଁ ପ୍ରକାର ସମ୍ମାନ? ତେଣୁ ଅଭିଯୁକ୍ତଙ୍କୁ ଗିରଫ କରାଯାଇ ଉଷସୀଙ୍କୁ ନ୍ୟାୟ ଦିଆଯାଉ ବୋଲି ଯୁବ ସମାଜସେବୀ ସଙ୍ଗଠନ ଡିଆଇଜିଙ୍କ ପାଖରେ ଦାବି କରିଛନ୍ତି।</p> <p>ଯୁବ ସମାଜସେବୀ ସଙ୍ଗଠନ ସଭାପତି ସ୍ୱାଧୀନ ଥମ୍ୱ କହିଛନ୍ତି-&ldquo;ବିଜେଡି ସ୍ଲୋଗାନ ଦେଉଛି ନାରୀଙ୍କୁ ସମ୍ମାନ। କିନ୍ତୁ ସାଂସଦ ତଥାଗତ ସତପଥୀଙ୍କ କଣିହାଁ ପ୍ରତିନିଧି ଇନ୍ଦ୍ରମଣି ସାହୁ ବିଚ୍&zwnj; ରାସ୍ତାରେ ଜଣେ ଅଭିନେତ୍ରୀଙ୍କ ଚୁଟି ଟାଣି ପିଟିଥିଲେ। ନାରୀକୁ ଇଏ କେଉଁ ପ୍ରକାର ସମ୍ମାନ? ଘଟଣାକୁ ୪ ଦିନ ବିତି ଗଲା ପରେ ମଧ୍ୟ ପୋଲିସ ଅଭିଯୁକ୍ତଙ୍କୁ ଗିରଫ କରିନାହିଁ। ଏଥିରୁ ଜଣାପଡ଼ୁଛି ପୋଲିସ ରାଜନୀତି ଚାପରେ ମୁଖ୍ୟ ଅଭିଯୁକ୍ତକୁ ଗିରଫ କରୁନାହିଁ।&rdquo;</p>