ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଖୋର୍ଦ୍ଧା(ବଳରାମ ଲେଙ୍କା): “ମୁଁ ଶୁଣିଛି ପ୍ରଦୀପ ଭାଇଙ୍କ ବାରି କଦଳି କୁଆଡେ ବଡ଼ ସୁଆଦିଆ। ଆଉ ଏଇ ସୁଆଦିଆ କଦଳୀ ଖାଇବାକୁ ମୋ ବି ମନ ଅଛି। ଡାକିବେ ଯଦି ତାଙ୍କ ଘରେ ଚା’ ପାଣି ପିଇ ଆପ୍ୟାୟିତ ହେବି” । ଏମିତି ପଦେ କଥାରେ ସାମ୍ପ୍ରତିକ ରାଜନୈତିକ ପାଣିପାଗରେ କାଳବୈଶାଖୀ ଛୁଙ୍କ ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।</p> <p>ଆଜି ସନ୍ଧ୍ୟାରେ ଖୋର୍ଦ୍ଧାରେ ଆୟୋଜିତ ଆଜିବୀକା କୌଶଳ ବିକାଶ ମେଳାରେ ଅତିଥି ଭାବେ ଯୋଗ ଦେଇ ଫେରୁଥିବା ବେଳେ ଧର୍ମନ୍ଦ୍ରଙ୍କୁ ଘେରି ଯାଇଥିଲେ ଗଣମାଧ୍ୟମ ପ୍ରତିନିଧି। ପ୍ରଶ୍ନ ପରେ ପ୍ରଶ୍ନ ପଚରା ଯାଉଥିବା ବେଳେ ହଠାତ୍‌ ଜଣେ ଗଣମାଧ୍ୟମ ପ୍ରତିନିଧି ତାଙ୍କୁ ମନ୍ତ୍ରୀ ପ୍ରଦୀପ ମହାରଥିଙ୍କ ସମ୍ପର୍କରେ ପ୍ରଶ୍ନଟିଏ ପଚାରିଥିଲେ। ଆଉ ଏହି ପ୍ରଶ୍ନର ଉତ୍ତର ଦେବାକୁ ଯାଇ ଧର୍ମେନ୍ଦ୍ର ଏମିତି ରୋଚକ ଢଙ୍ଗରେ ଉତ୍ତର ଦେଇଥିଲେ ଯେ, ସମସ୍ତେ ହସିହସି ବେଦମ୍‌।</p> <p>ବାସ୍ତବ କଥାଟି ହେଉଛି ଏମିତି। ୨ ଦିନ ତଳେ କୃଷିମନ୍ତ୍ରୀ ପ୍ରଦୀପ ମହାରଥିଙ୍କୁ କେତେକ ଗଣମାଧ୍ୟମ ପ୍ରତିନିଧି ଭାଜପାର ଦଳୀୟ ସ୍ଥିତିକୁ ନେଇ ପ୍ରଶ୍ନ କରିଥିଲେ। ଯାହାକୁ ଉତ୍ତର ଦେବାକୁ ଯାଇ ମହାରଥୀ ଯାତ୍ରା ଢଙ୍ଗରେ ଉତ୍ତର ଦେଇଥିଲେ। କହିଥିଲେ- “କୁଆଡେ ଗଲେ?(ଧର୍ମେନ୍ଦ୍ରଙ୍କୁ ଉପଲକ୍ଷ କରି), ବିଜେପୁର ନିର୍ବାଚନ ପରାଜୟ ପରେ କାଇଁ କାହାର ଦେଖା ନାଇଁ ତ ???</p> <p>ଯାହାର ଉତ୍ତର ଆଜି ରଖିଛନ୍ତି ଧର୍ମେନ୍ଦ୍ର। କଦଳୀ ଆଉ ଚା’ ଜଳଖିଆ କଥା କହି ଉତ୍ତର ଦେବା ଛଳରେ ରାଜ୍ୟରେ ନିଜ ଉପସ୍ଥିତିକୁ ଜାହିର କରିଛନ୍ତି ପ୍ରଧାନ। ସେ କହିଛନ୍ତି- “ପ୍ରଦୀପ ଭାଇ ମୋତେ ଗାଳିଦେଲେ ଯଦି ତାଙ୍କ ସାହେବଙ୍କ ପାଖରେ ନମ୍ବର ବଢିବ ତା ହେଲେ ମୋ ତରଫରୁ ତାଙ୍କୁ ଶୁଭେଚ୍ଛା।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
