ସଙ୍କଟରେ ବାନ୍ଧ ଶିଳ୍ପ: ବଜାରରେ ମିଳୁଛି ନକଲି ସମ୍ୱଲପୁରୀ ଶାଢ଼ି

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ନକଲି ପ୍ରତି ସାବଧାନ। ଆଗକୁ ସମ୍ବଲପୁରୀ ଶାଢ଼ି ଉପରେ ଏହି ସତର୍କ ସୂଚନା ଲେଖା ହୋଇପାରେ। କାରଣ ରାଜସ୍ଥାନ ଓ ଗୁଜରାଟର କିଛି କମ୍ପାନୀ ଅବିକଳ ସମ୍ବଲପୁରୀ ବାନ୍ଧ ଭଳି ଦେଖାଯାଉଥିବା ଛପା ଶାଢ଼ି ପ୍ରସ୍ତୁତ କରୁଛନ୍ତି। ଯାହାକି ଖୁବ୍ କମ୍ ଦରରେ ବଜାରରେ ମିଳୁଛି। ତେଣୁ ଏହା ପଶ୍ଚିମ ଓଡ଼ିଶାର ବୁଣାକାରଙ୍କ କୌଳିକ ବୃତ୍ତି ପ୍ରତି ବିପଦ ସୃଷ୍ଟି କରିଥିବା ବେଳେ ସମ୍ବଲପୁରୀ ବାନ୍ଧ ଶାଢ଼ିକୁ ମିଳିଥିବା ଜିଆଇ ଟ୍ୟାଗକୁ ମଧ୍ୟ ଉଲ୍ଲଂଘନ କରାଯାଉଥିବା ଅଭିଯୋଗ ହୋଇଛି।</p><p>&lt;a href=&quot;&quot;&gt;(image) &lt;/a&gt;ସମ୍ବଲପୁରୀ ଶାଢ଼ିର ଅବିକଳ ନକଲ ଶାଢ଼ି ବଜାରରେ ମିଳୁଛି। ଏହି ରାଜସ୍ଥାନରେ &lsquo;ଭାରତ ବିଜୟ&rsquo; ପ୍ରସ୍ତୁତି କରୁଛି। ଏହାର ରଙ୍ଗ ଓ ରୂପ ଏକା। କିନ୍ତୁ ଦାମ୍&zwnj;ରେ ଆକାଶ ପାତାଳ ଫରକ। ଅସଲି ସମ୍ବଲପୁରୀ ଶାଢ଼ିର ଦାମ୍&zwnj; ୩୦୦୦ରୁ ୪୦୦୦ ଟଙ୍କା ଥିବା ବେଳେ ବଜାରରେ ମିଳୁଥିବା ଏହି ନକଲି ପ୍ରିଣ୍ଟେଡ୍ ଶାଢ଼ିର ଦାମ୍ ମାତ୍ର ୩୦୦ରୁ ୪୦୦ ଟଙ୍କା ରହିଛି। ଦାମ୍&zwnj;ର ଏହି ଫରକ ଏବେ ପଶ୍ଚିମ ଓଡ଼ିଶାର ବୁଣାକାରଙ୍କ ପାଇଁ ବିପଦ ସାଜିଛି। ଲୋକେ ଶସ୍ତାରେ ଏଭଳି ନକଲି ଛପା ଶାଢ଼ି ପାଉଥିବାରୁ ସଂକଟରେ ଅସଲି ସମ୍ବଲପୁରୀ ଶାଢ଼ି ଓ ଏହାକୁ ନେଇ ବଞ୍ଚୁଥିବା ବୁଣାକାର।</p><p>&lt;a href=&quot;http://odishareporter.in/wp-content/uploads/2018/05/duplict-sambalpuri-sadhi-available-in-market11.jpg&quot;&gt;(image) &lt;/a&gt;ସମ୍ବଲପୁରୀ ବାନ୍ଧ ଶାଢ଼ିକୁ ୨୦୧୦ ମସିହାରେ ଜିଓଗ୍ରାଫିକାଲ୍ ଇଣ୍ଡିକେସନ୍(ଜିଆଇ) ଟ୍ୟାଗ୍ ମିଳିଥିଲା। ତେଣୁ ଏହି ନକଲି ଭାରତ ବିଜୟ ଶାଢ଼ୀ କେବଳ ଯେ ବୁଣାକାରଙ୍କ ପ୍ରତି ବିପଦ ସୃଷ୍ଟି କରିଛି ତା ନୁହେଁ, ଏହା ଜିଆ ଆକ୍ଟ ୧୯୯୯କୁ ମଧ୍ୟ ଉଲ୍ଲଂଘନ କରୁଥିବା ଅଭିଯୋଗ ହୋଇଛି। ଏନେଇ ଗତବର୍ଷ ଏପ୍ରିଲ୍&zwnj;ରେ ବରଗଡ଼ ଥାନାରେ ଲିଖିତ ଅଭିଯୋଗ ହୋଇଥିଲା। ପୋଲିସ ପକ୍ଷରୁ ବୟନ ଶିଳ୍ପ ନିର୍ଦ୍ଦେଶକଙ୍କୁ ଚିଠି ମଧ୍ୟ ଲେଖାଯାଇଥିଲା। ହେଲେ ପଦକ୍ଷେପ ଶୂନ୍। ସେପଟେ ନକଲି ଶାଢ଼ି ବିକ୍ରିକୁ ରୋକିବା ପରିବର୍ତ୍ତେ, ଅସଲି ସମ୍ବଲପୁରୀ ଶାଢ଼ୀର ଦାମ୍ କମାଇବାକୁ ଚିନ୍ତା କରାଯାଉଥିବା ବୟନଶିଳ୍ପ ମନ୍ତ୍ରୀ ସ୍ନେହାଙ୍ଗିନୀ ଛୁରିଆ କହିଛନ୍ତି।</p><p>ନକଲି ସମ୍ବଲପୁରୀ ଶାଢ଼ୀ ପ୍ରସଙ୍ଗ କିଛି ଦିନ ତଳେ ବିଧାନସଭାରେ ଉଠିଥିଲା। ଏବେ ଦେଖିବାର କଥା କେବେ ବୁଣାକାରଙ୍କ ବେଉସା ବୁଡ଼ାଇବାକୁ ବସିଥିବା ଏହି ନକଲି ସମ୍ବଲପୁରୀ ଶାଢ଼ି ଉପରେ କେବେ ରୋକ୍ ଲାଗିପାରୁଛି।</p><p>https://youtu.be/7vZ8TIouhCA</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।