ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ନୟାଗଡ଼(ଓଡ଼ିଶା ରିପୋର୍ଟର): ଘରେ ଘରେ ଲୋକଙ୍କୁ ବିଜୁଳି ସୁବିଧା ଯୋଗାଇଦେବାକୁ ସରକାରୀ ସ୍ତରରେ ଚାଲିଛି ଅନେକ ଯୋଜନା। ହେଲେ ଏମିତି କିଛି ଗାଁ ଅଛି ଯେଉଁଠି ବିଜୁଳି ଆଲୁଅ ସାତ ସପନ। ଆଉ ଅନ୍ଧାର ପାଲଟିଛି ଚିର ସାଥୀ। ବିଜୁଳି ଟିକକ ପାଇବା ପାଇଁ ପ୍ରଶାସନକୁ ଅଭିଯୋଗ କରି ଥକି ଗଲେଣି ଲୋକେ। ଏଭଳି ଅଭିଯୋଗ ଆସିଛି ନୟାଗଡ଼ ଜିଲ୍ଲା ଦଶପଲା ବ୍ଲକ୍‌ର ଖଣ୍ଡାଧୁଆ ଗାଁରୁ।</p> <p>ଡିଜିଟାଲ ଯୁଗରେ ଗାଁଲୋକଙ୍କ ପାଇଁ ବିଜୁଳି ପାଲଟିଛି ସାତ ସପନ। ସନ୍ଧ୍ୟା ଆସିଲେ ମାଡି ଆସେ ବହଳ ଅନ୍ଧାର, ଆଉ ତା’ଭିତରେ କଷ୍ଟେମଷ୍ଟେ ଚାଲେ ଲୋକଙ୍କ ଜୀବନ ଜୀବିକା। ବସାଉଠା, ଖିଆପିଆ , ପାଠପଢା ସବୁପାଇଁ ସାହାଭରସା ପାଲଟିଛି ଡିବିରି ଆଲୁଅ। ଏମିତିକି ସନ୍ଧ୍ୟା ହେଲେ ହ୍ରିଂସ ଜନ୍ତୁଙ୍କ ଭୟରେ ଘରେ ଘରେ ପଡିଯାଏ ତାଟିକବାଟ। ଏହି ଗାଁରେ ୧୦୦ରୁ ଅଧିକ ଲୋକେ ରହୁଥିବା ବେଳେ ବିଜୁଳି ଟିକକ ପାଇଁ ହନ୍ତସନ୍ତ ହେଉଥିବା ଅଭିଯୋଗ ହୋଇଛି।<a href="">(image) </a></p> <p>ଏହି ଗାଁଟି ଅଭୟାରଣ୍ୟ ଅଂଚଳରେ ଥିବାରୁ ସରକାରୀ ଯୋଜନା ପାଲଟିଛି ଅପହଞ୍ଚ। ଏମିତିକି ମୋବାଇଲ ଚାର୍ଜ କରିବାକୁ ଲୋକଙ୍କୁ ଯିବାକୁ ପଡୁଛି ୫ କିଲୋମିଟର ବାଟ। ଗଲା ୧୦ବର୍ଷ ହେଲା ବିଜୁଳି ପାଇଁ ନେତା ପ୍ରଶାସନକୁ ଜଣାଇ ଥକିଗଲେଣି ଲୋକେ। ଏନେଇ ଜିଲାପାଳ ଅରିନ୍ଦମ ଡାକୁଆ କହିଛନ୍ତି ଖୁବ୍ ଶୀଘ୍ର ଗାଁକୁ ବିଜୁଳି ସଂଯୋଗ କରାଯିବ ।</p> <p>ବର୍ଷେ କି ଦୁଇବର୍ଷ ନୁହେଁ, ୧୦ ବର୍ଷ ହେଲା ଖଣ୍ଡାଧୁଆ ଗାଁଲୋକେ ବିଜୁଳି ଆଲୁଅକୁ ଅପେକ୍ଷା କରି ରହିଛନ୍ତି। ତେବେ ଜିଲ୍ଲାପାଳ ଦେଇଥିବା ପ୍ରତିଶ୍ରୁତି ମୁତାବକ କେବେ ସେମାନଙ୍କ ସମସ୍ୟା ଦୂର ହେବ ସେନେଇ ଆଶା ଆଶଙ୍କାରେ ଲୋକେ।</p> <p>https://www.youtube.com/watch?v=0ereAjr3Zso</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
