କଣ୍ଟାବାଞ୍ଜି (ସୁରଦାସ ବାଗ): ବଙ୍ଗୋମୁଣ୍ଡା ଅବକାରୀ ଅଧିକାରୀ ଶଶିକାନ୍ତ ଦତ୍ତଙ୍କ ନେତୃତ୍ୱରେ କୁଣ୍ଡାବୁଟୁଲା ପଞ୍ଚାୟତ ଡୁମେରପଡା ଗାଁର ଦୁଇଟି ଜାଗା ରେ ପୃଥକ ପୃଥକ ଚଢ଼ାଉ କରାଯାଇଥିଲା । ବେଆଇନ ମଦ କାରବାରରେ ଲିପ୍ତ ଥିବା ନେଇ ଅବକାରୀ ବିଭାଗ ସୁଶିଲା ମଲ୍ଲିକ (୩୬) ଓ ଗଡସେ ମଲ୍ଲିକ (୪୫)ଙ୍କୁ ଗିରଫ କରିଛି ।
ଉଭୟଙ୍କ ନିକଟରୁ ୧ କ୍ୱିଣ୍ଟାଲ୍ ୨୦ କେଜି ମହୁଲ ପୋଚ, ରନ୍ଧା ସାମଗ୍ରୀ, ୨୨ ଲିଟର ମଦ ଜବତ କରାଯାଇଛି। ଏହି ଚଢ଼ଉରେ ଅବକାରୀ ବିଭାଗ ଏସ୍ଆଇ ଅଲେଖ ପୁଟେଲ, ଏସ୍ଆଇ ସହଦେବ କୁଅଁର, ପ୍ରଫୁଲ୍ଲ ନାଗ, ଜତିନ ଦିପ ଓ ଡୁଲେଶ୍ୱର କୁମୁଡା ପ୍ରମୁଖ ସାମିଲ ଥିଲେ ।