ଜଳିଗଲା ପ୍ୟାରିସ୍ ବେକରୀ, ଗିଳିଦେଲା ୧୫ ବଖରା: ପଢ଼ନ୍ତୁ କେଉଁଠି କେମିତି ଘଟିଲା

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ବାଲେଶ୍ୱର ଷ୍ଟେସନ ଛକ ସ୍ଥିତ ପ୍ୟାରିସ୍ ବେକରୀରେ ଅଗ୍ନିକାଣ୍ଡ ଘଟିଛି। କୌଣସି କାରଣରୁ ଆଜି ଭୋରରୁ ବେକରୀରେ ନିଆଁ ଲାଗିଯାଇଥିଲା।&nbsp; ସ୍ଥାନୀୟ ଲୋକେ ବେକରୀରେ ନିଆଁ ଲାଗିଥିବା ଦେଖି ଦମକଳ ବାହିନୀକୁ ଖବର ଦେଇଥିଲେ।&nbsp; ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ୨ଟି ଦମକଳ ସହାୟତାରେ ନିଆଁକୁ ଆୟତ୍ତ କରିଥିଲେ। ତେବେ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି।</p> <p>ସେହିପରି ଗଞ୍ଜାମ ଜିଲ୍ଲା କୁକୁଡ଼ାଖଣ୍ଡି ବ୍ଳକ ବାଲାଜି ପଲ୍ଲୀ ଗାଁରେ ଅଗ୍ନିକାଣ୍ଡ ଘଟି ୧୧ବଖରା ଘର ପୋଡ଼ି ପାଉଁଶ ହୋଇଯାଇଛି।&nbsp; ଗତକାଲି ରାତିରେ ଗାଁର ହରିଜନ ସାହିରେ ହଠାତ୍&zwnj; ନିଆଁ ଲାଗିଯାଇଥିଲା। ପରେ ନିଆଁ ଗୋଟିଏ ପରେ ଗୋଟିଏ ଘରକୁ ବ୍ୟାପିଥିଲା।&nbsp; ନିଆଁ ଲିଭାଇବା ପାଇଁ ଲୋକେ ଉଦ୍ୟମ କରିଥିଲେ। ହେଲେ ନିଆଁକୁ ଲିଭାଇ ପାରିନଥିଲେ।&nbsp; ପରେ ଦମକଳ ବାହିନୀ ଆସି ନିଆଁକୁ ଆୟତ କରିଥିଲା।&nbsp; ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି।&nbsp; ବିପନ୍ନଙ୍କୁ ପ୍ରଶାସନ ଏବଂ ପଞ୍ଚାୟତ ତରଫରୁ ସହାୟତା ପ୍ରଦାନ କରାଯାଇଛି।</p> <p>ଅନ୍ୟପକ୍ଷରେ ବିବାହ ଶୋଭାଯାତ୍ରା ବେଳେ ବାଣ ଫୁଟି ଜଳିଗଲା ଘର।&nbsp; ଅନୁଗୋଳ ଥାନା ଅନ୍ତର୍ଗତ କୁମଣ୍ଡ ଗାଁରେ ବାଣଫୁଟି ଏହି ଭୟାବହ ଅଗ୍ନିକାଣ୍ଡ ଘଟିଛି। ନିଆଁରେ ଜଳିଯାଇଛି ୪ ବଖରା ଘର।&nbsp; ବିବାହ ଶୋଭାଯାତ୍ରା ଚାଲିଥିବା ବେଳେ ରାତି ପ୍ରାୟ ୧୧ଟା ସମୟରେ ଲାଗିଥିଲା ନିଆଁ।&nbsp; ଗ୍ରାମବାସୀ ଉଦ୍ୟମ କରି ମଧ୍ୟ ନିଆଁକୁ ଆୟତ୍ତ କରିପାରି ନଥିଲେ୍।&nbsp; ଅନୁଗୋଳରୁ ଅଗ୍ନିଶମବାହିନୀ ଆସି ନିଆଁକୁ ଆୟତ୍ତ କରିଥିଲେ।</p>