ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜଧାନୀରେ ଚଳନ୍ତା ବସ୍‌ରେ ଜଣେ ଯୁବତୀଙ୍କୁ ଅସଦାଚରଣ କରାଯାଇଥିବା ଅଭିଯୋଗ ହୋଇଛି। ଖଣ୍ଡଗିରି ଅଞ୍ଚଳରେ ଏହି ଘଟଣା ଘଟିଥିବା ଜଣାପଡ଼ିଛି।</p> <p>ଅଭିଯୋଗ ଅନୁସାରେ, ଯୁବତୀ ଜଣକ ସିଟି ବସ୍‌ରେ ଯାଉଥିଲେ। ଏହି ସମୟରେ ପାଖ ସିଟ୍‌ରେ ବସିଥିବା ଜଣେ ଯୁବକ ଯୁବତୀ ଜଣଙ୍କୁ ବାରମ୍ବାର ଛୁଇଁବାକୁ ପ୍ରୟାସ କରିଥିଲେ। ଶେଷରେ ଯୁବତୀ ଜଣଙ୍କ ବିରକ୍ତି ହୋଇ ସିଟ୍‌ରୁ ଉଠିପଡ଼ି ବଡ଼ ପାଟିରେ ଚିଲ୍ଲାଇବା ସହ ସଂପୃକ୍ତ ଯୁବକଙ୍କୁ ଗାଳିଗୁଲଜ କରିଥିଲେ। ଯୁବକ ଜଣଙ୍କୁ ବସ୍‌ରୁ ଓହ୍ଲାଇ ଯିବା ପାଇଁ କହିଥିଲେ।</p> <p>ତେବେ ଯୁବତୀଙ୍କ ସମସ୍ତ ଅଭିଯୋଗକୁ ସଂପୃକ୍ତ ଯୁବକ ଅସ୍ୱୀକାର କରିଥିଲେ ଏବଂ ବସ୍‌ରୁ ଓହ୍ଲାଇବା ପାଇଁ ରାଜି ହୋଇ ନ ଥିଲେ। ଫଳରେ ଯୁବତୀ ଜଣକ ସମ୍ପୃକ୍ତ ଯୁବକଙ୍କୁ ଜୋତାରେ ପିଟିଥିଲେ। ଏହି ଘଟଣାକୁ ନେଇ ବସ୍ ମଧ୍ୟରେ ଉତ୍ତେଜନା ଦେଖା ଦେଇଥିଲା। ବସ୍‌ରେ ଥିବା ଅନ୍ୟ ଯାତ୍ରୀ ଏହାକୁ ବିରୋଧ କରିଥିଲେ। ଶେଷରେ ସଂପୃକ୍ତ ଯୁବକଙ୍କୁ ବସ୍‌ ଓହ୍ଲାଇ ଦିଆଯାଇଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
