ଜଷ୍ଟିସ୍ ଦୀପକ ମିଶ୍ରଙ୍କ ବିରୋଧରେ ମହାଭିଯୋଗ ପ୍ରସଙ୍ଗ: କଂଗ୍ରେସକୁ ଟାର୍ଗେଟ କଲେ ଧର୍ମେନ୍ଦ୍ର

<p>କଟକ/ଭୁବନେଶ୍ୱର,(ଓଡ଼ିଶା ରିପୋର୍ଟର): ସୁପ୍ରିମକୋର୍ଟ ପ୍ରଧାନ ବିଚାରପତିଙ୍କ ବିରୋଧରେ ମହାଭିଯୋଗ ପ୍ରସ୍ତାବକୁ ନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କଂଗ୍ରେସକୁ ଟାର୍ଗେଟ କରିଛନ୍ତି। ତେବେ ଏନେଇ ରାଜ୍ୟ କଂଗ୍ରେସର କଣ ରହିବ ଭୂମିକା। ପ୍ରଧାନ ବିଚାରପତି ଜଷ୍ଟିସ ଦୀପକ ମିଶ୍ର ଓଡ଼ିଆ ହୋଇଥିବାରୁ ରାଜ୍ୟ କଂଗ୍ରେସ ତାଙ୍କୁ ସମର୍ଥନ କରିବ ନା ପାର୍ଟି ଲାଇନରେ ଯିବ ତାକୁ ନେଇ ଚର୍ଚ୍ଚା। ନୂଆ ପିସିସି ସଭାପତି ନିରଞ୍ଜନ ପଟ୍ଟନାୟକ ଏନେଇ କୌଣସି ସ୍ପଷ୍ଟ ଉତ୍ତର ଦେଇନାହାନ୍ତି । ଅନ୍ୟପକ୍ଷରେ ବିଜେଡି ପୂର୍ବରୁ ମହାଭିଯୋଗ ପ୍ରସ୍ତାବକୁ ନାପସନ୍ଦ କରିଥିବା ବେଳେ ଏହି ପ୍ରସଙ୍ଗରେ କେହି ବିଜେଡି ସହ ଯୋଗାଯୋଗ କରି ନ ଥିବା ଦଳୀୟ ମୁଖପାତ୍ର କହିଛନ୍ତି। ଏହା ଏକ ଜାତୀୟ ପ୍ରସଙ୍ଗ ଓ ଆଇନ ତା&rsquo;ବଟରେ ଯିବ ବୋଲି କହିଛନ୍ତି ନିରଞ୍ଜନ। &nbsp;ତେବେ କେନ୍ଦ୍ର ସରକାର ଏହି ବିବାଦକୁ ଭିଆଇଥିବା ପାଲଟା ଅଭିଯୋଗ କରିଛନ୍ତି।</p><p>ଏପଟେ ପୂର୍ବରୁ ମହାଭିଯୋଗ ପ୍ରସ୍ତାବକୁ ନାପସନ୍ଦ କରିଥିବା ବିଜେଡି ନିଜ ସ୍ଥିତିରେ କାଏମ୍ ରହିଛି । ମହାଭିଯୋଗ ପ୍ରସ୍ତାବ ଆଣିଥିବା କୌଣସି ଦଳ ବିଜେଡି ସହ ଯୋଗାଯୋଗ କରିନାହାନ୍ତି। &nbsp;ତେଣୁ ଏହି ପ୍ରସଙ୍ଗରେ ବିଚାର କରିବାର ଆବଶ୍ୟକତା କେଉଁଠୁ ଆସୁଛି ବୋଲି ଦଳୀୟ ମୁଖପାତ୍ର କହିଛନ୍ତି। ଗତକାଲି ଏହି ପ୍ରସଙ୍ଗକୁ ନେଇ କଂଗ୍ରେସ ଉପରେ ବର୍ଷିଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏହା କଂଗ୍ରେସର ଚିରାଚରିତ &nbsp;ଓଡ଼ିଶା ବିରୋଧୀ ଆଭିମୁଖ୍ୟ ବୋଲି ସେ ଅଭିଯୋଗ କରିଥିଲେ। &nbsp;ଜଷ୍ଟିସ ମିଶ୍ର ଜଣେ ସଫଳ ଓ ସୁଯୋଗ୍ୟ ଓଡ଼ଆ ହୋଇଥିବାରୁ କଂଗ୍ରେସ ତାଙ୍କ ବିରୋଧରେ ମହାଭିଯୋଗ ପ୍ରସ୍ତାବ ଆଣିଥିବା ସେ ଟ୍ୱିଟ୍&zwnj; କରିବା ସହ ଏହାକୁ ଷଡ଼ଯନ୍ତ୍ର ଆଖ୍ୟା ଦେଇଥିଲେ। &nbsp;ଏହା କଂଗ୍ରେସର ଓଡ଼ିଶା ପ୍ରତି ଅସୂୟା ଭାବର ଆଉ ଏକ ଉଦାହରଣ ବୋଲି ଧର୍ମେନ୍ଦ୍ର କହିଥିଲେ। &nbsp;ଏପଟେ ଓଡ଼ିଶା ଓଡ଼ିଶା ହାଇକୋର୍ଟ ବାର ଆସୋସିଏସନ ଓ ଷ୍ଟେଟ ବାର କୋଉନସିଲ୍ ଜଷ୍ଟିସ ମିଶ୍ରଙ୍କ ସମର୍ଥନରେ ଠିଆ ହୋଇଛନ୍ତି।</p><p>୭ଟି ବିରୋଧୀ ଦଳ ପକ୍ଷରୁ ୭୧ ଜଣ ସାଂସଦଙ୍କ ସ୍ୱାକ୍ଷର ସମ୍ବଳିତ ମହାଭିଯୋଗ ନୋଟିସ ରାଜ୍ୟସଭା ଅଧ୍ୟକ୍ଷ ଭେଙ୍କେୟା ନାଇଡୁଙ୍କୁ ଦିଆଯାଇଛି । ସେ ଏହାକୁ ଗ୍ରହଣ କରିବେ ନା ନାହିଁ ଏହା ତାଙ୍କ ନିଜସ୍ୱ ଅଧିକାର।&nbsp;ଏପଟେ ମହାଭିଯୋଗ ନୋଟିସ୍ ସତ୍ତ୍ୱେ ଦୈନନ୍ଦିନ କାର୍ଯ୍ୟ ଜାରି ରଖିଛନ୍ତି ଜଷ୍ଟିସ ଦୀପକ ମିଶ୍ର । ତାଙ୍କ ବେଞ୍ଚ ଅଧିନରେ ଥିବା ଗୁରୁତ୍ୱପୂର୍ଣ୍ଣ ଆଧାର ମାମଲାର ଶୁଣାଣି ୨୪ ତାରିଖରେ ଥିବା ବେଳେ ଏବେ ସେ କାଠୁଆ ନାବାଳିକା ଗଣଦୁଷ୍କର୍ମ ଓ ହତ୍ୟା ମାମଲା ଓ ରାମ ଜନ୍ମଭୂମି ବିବାଦ ଭଳି ଗୁରୁତ୍ୱପୂର୍ଣ୍ଣ ମାମଲାର ଶୁଣାଣି କରୁଛନ୍ତି।</p><p>&amp;nbsp;</p><p>&amp;nbsp;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।