ବାଜା, ବାଣ, ରୋଶଣିରେ ଦୁଲୁକିଲା ବାଲେଶ୍ୱର

<p>ବାଲେଶ୍ୱର (ଓଡ଼ିଶା ରିପୋର୍ଟର): ବାଜା, ବାଣ, ରୋଶଣିରେ ଦୁଲୁକିଲା ବାଲେଶ୍ୱର ସହର। ଏପରି ରୋଶଣି ହୋଇଥିଲା ଏକ ବାହାଘରରେ। ଏହା ଏମିତି ସେମିତି ବାହାଘର ନଥିଲା। ଏହାଥିଲା ବାଲେଶ୍ୱରର ପ୍ରସିଦ୍ଧ ଜଉ କଣ୍ଢେଇ ବିବାହ। ସାଧାରଣ ବିବାହ ଘରଠାରୁ ଏହା କୌଣସି ଗୁଣରେ କମ୍ ନଥିଲା।</p> <p>ରୋଶଣିରେ ନାଚଗୀତରେ ମସଗୁଲ ଥିଲେ ବରଯାତ୍ରୀ। ନିମନ୍ତ୍ରତ ହୋଇଥିଲେ ହଜାର ହଜାର ଅତିଥି। ସୁନ୍ଦର ଭାବେ ସଜାଯାଇଥିଲା ଗେଟ୍। ଗେଟ୍&zwnj;ରେ ବର-କନ୍ୟା ନାଁ &lsquo;କାଳିଯାଇ ସହ ଶିବ ବାହାଘର&rsquo; ଲେଖାଯାଇଥିଲା। ଏଠି ବର ହେଉଛି ଜଉ କଣ୍ଢେଇ ଶିବ, ଆଉ କନ୍ୟା କାଳିଯାଇ।&nbsp; ରୋଶଣିରେ ଶିବ ବାହାରି ନୂଆ ବଜାର ମଙ୍ଗଳା ମନ୍ଦିରରେ ପହଞ୍ଚି ଥିଲେ। ସେଠାରେ କନ୍ୟା ପିତା ବରକୁ ପାଛୋଟି ନେଇଥିଲେ। ବେଶ ଧୁମଧାମରେ ଶେଷ ହୋଇଥିଲା ବିବାହ।</p> <p>ଅନ୍ୟପକ୍ଷରେ ଏଭଳି ବିବାହକୁ ନେଇ ସହରରେ ବିରୋଧର ସ୍ୱର ଉଠିଛି। &lsquo;ବାପା&rsquo; ସଂଗଠନ ଏପରି ବିବାହ ଉତ୍ସବକୁ ବିରୋଧ କରିଛି। ଜଉ କଣ୍ଢେଇ ବାହାଘରକୁ ବାଲେଶ୍ୱର ଲୋକକଳା ଓ ସଂସ୍କୃତିର ଆଖ୍ୟା ଦିଆଯିବାକୁ ନେଇ ଆପତ୍ତି ଉଠାଇଛି ସଂଗଠନ। ଏଥିପାଇଁ ସଂଗଠନ ଆଇନର ଆଶ୍ରୟ ମଧ୍ୟ ନେଇଛି।</p>