ଲାଇଟ୍‌ ସାଉଣ୍ଡ କ୍ୟାମେରା…ସବୁ ଡେଡ୍‌: ବିବାଦ ପରେ ସାମ୍ନାକୁ ଆସିଲା ବିବର୍ଣ୍ଣ କଳିଙ୍ଗର ଚେହେରା

<p>ଭୁବନେଶ୍ୱର(ଅତୁଲ୍ୟ ବାଉତ): ରଙ୍ଗହୀନ ଆଜି ରଙ୍ଗମଖା ମଣିଷଙ୍କ ଷ୍ଟୁଡିଓ... ଉଡ଼ିଗଲାଣି &lsquo;କଳିଙ୍ଗ&rsquo; କର୍ପୂର। ଦିନେ ନାଚଗୀତ, ଡାଇଲଗ୍&zwnj;ରେ ଫାଟି ପଡୁଥିବା କଳିଙ୍ଗ ଷ୍ଟୁଡିଓରେ ଆଜି ଶ୍ମଶାନର ନୀରବତା। କେତେକ&rsquo;ଣ ସତର ଭ୍ରମ ସୃଷ୍ଟି କରୁଥିବା ସେଟ୍&zwnj;, ଆଜି ଜଙ୍ଗଲିଆ ଜାଲ ଭିତରେ। ସତେ ଯେମିତି ସ୍ମୃତି ପାଲଟି ଯାଇଛି ଷ୍ଟୁଡିଓ। ଆଉ ଦିନେ ସ୍ୱପ୍ନର ରାସ୍ତା ପାଲଟିଥିବା କଳିଙ୍ଗ ଷ୍ଟୁଡ଼ିଓ ଆଜି କଳାକାରଙ୍କ ପାଇଁ ବାଟ ବୁଲାଇ ଦେଇଛି।</p><p>&lt;a href=&quot;&quot;&gt;(image) &lt;/a&gt;ଚାରିଆଡ଼େ ବଣବୁଦା ଓ ଅନାବନା ଗଛ। ମଝିରେ ମଝିରେ ଓଡ଼ିଶା ସିନେଜଗତର ଉତ୍&zwnj;ଥାନ୍&zwnj;ପତନର ମୁକସାକ୍ଷୀ କଳିଙ୍ଗ ଷ୍ଟୁଡିଓର ଅବଶେଷ। ଯନ୍ତ୍ରାଂଶ ଓ ଉପକରଣ କହିଲେ କିଛି କଳଙ୍କିଲଗା ଲୁହା। ଆଉ ଷ୍ଟୁଡିଓ କହିଲେ ଖାଁଖାଁ ଭୂତକୋଠି&nbsp; ଲାଗୁଛି। ଓଡ଼ିଶାର ପ୍ରଥମ ଓ ଏକମାତ୍ର ୨୫ ଏକରର ଏହି ସିନେ ଷ୍ଟୁଡିଓକୁ ଜଙ୍ଗଲ ଗିଳିବାକୁ ବସିଲାଣି। ସୁରକ୍ଷା କର୍ମୀ ନିୟୋଜିତ ଥିଲେ ବି ଏଠାରେ ଅସାମାଜିକ ବ୍ୟକ୍ତିଙ୍କ ଆଡ୍ଡା ଜମୁଛି। HMI ଲାଇଟ୍, କାଠ ଓ ଗଛ ଆଦି ଚୋରି ହେଉଥିବା ଅଭିଯୋଗ ହେଉଛି। ମନ୍ଦିର, ଭିଲେଜ୍ କମ୍ପ୍ଲେକ୍ସ୍, ଡେକୋରେଟିଭ୍ କଟେଜ୍, ଡବିଂ ଥିଏଟର୍, ଜେନେରେଟର୍ ବସ୍, କ୍ରେନ୍ ଆଉ ୩ ମହଲା ବିଶିଷ୍ଟ ଏଡିଟିଂ ରୁମ୍ ସବୁ ଅଛି। କିନ୍ତୁ ବ୍ୟବହାର ନହେବାରୁ ଖତ ଖାଉଛି।</p><p>&lt;a href=&quot;http://odishareporter.in/wp-content/uploads/2018/05/kalinga-studio-in-critical-situation11.jpg&quot;&gt;(image) &lt;/a&gt;୧୯୮୨ ମସିହାରେ ଭୁବନେଶ୍ୱର ଉପକଣ୍ଠରେ ପ୍ରତିଷ୍ଠା ହୋଇଥିବା କଳିଙ୍ଗ ଷ୍ଟୁଡିଓ। ଓଡ଼ିଆ ଫିଲ୍ମ ଶିଳ୍ପ ପାଇଁ ଆଣିଥିଲା ବିରାଟ ସୁବିଧା। ସେତେବେଳେ କଲିକତା, ମାଡ୍ରାସ୍ ଓ ବମ୍ବେ ଉପରେ ନିର୍ଭର କରୁଥିବା ଓଡ଼ିଶା ଫିଲ୍ମ ନିର୍ମାତାଙ୍କ ପାଇଁ ଏହା ବରଦାନ ପାଲଟିଥିଲା। ବହୁ ଫିଲ୍ମ ନିର୍ମାତା ଓ କଳାକାରଙ୍କ ଭାଗ୍ୟ ଗଢ଼ିଥିବା ଏହି ଷ୍ଟୁଡିଓକୁ ବାହାର ରାଜ୍ୟରୁ ବି ନିର୍ଦ୍ଦେଶକ ଓ ପ୍ରଯୋଜକ ଆସୁଥିଲେ। ଫିଲ୍ମ ନିର୍ମାଣ ପାଇଁ&nbsp; ମାତ୍ର କ୍ଷତିରେ ଚାଲୁଥିବା ଦର୍ଶାଇ ୨୦୦୭ରେ କଳିଙ୍ଗ ଷ୍ଟୁଡିଓରେ ତାଲା ପଡ଼ିଲା। ତେବେ ଏହାକୁ ନେଇ ବିବାଦ ଦେଖାଦେବା ପରେ MSME ମନ୍ତ୍ରୀ ପ୍ରଫୁଲ୍ଲ ସାମଲ, କହିଥିଲେ ଷ୍ଟୁଡିଓର ପୁନରୁଦ୍ଧାର ପାଇଁ ଇଡ୍&zwnj;କୋକୁ ଦାୟିତ୍ୱ ଦିଆଯାଇଛି।</p><p>https://youtu.be/6J5bHZlZJ04</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।