କେନ୍ଦୁଝରରେ ୧୦ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କଲେ ମୁଖ୍ୟମନ୍ତ୍ରୀ

କେନ୍ଦୁଝର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି କେନ୍ଦୁଝର ଗସ୍ତରେ ଯାଇ ୧୬ଟି ପ୍ରକଳ୍ପ ଉଦ୍‌ଘାଟନ କରିବା ୧୦ଟିର ଭିତ୍ତିପ୍ରସ୍ତର ସ୍ଥାପନ କରିଥିଲେ। ବିଜୁ ପକ୍କା ଘର ଯୋଜନାରେ ଖଣି କ୍ଷତିଗ୍ରସ୍ତ ଅଞ୍ଚଳର ୧୩,୩୦୦ ଶ୍ରମିକଙ୍କ ପାଇଁ ଉଦ୍ଦିଷ୍ଟ ଯୋଜନାର ଶୁଭାରମ୍ଭ କରିଥିଲେ। ଏହାସହ ୪୦୦ ନିର୍ମାଣ ଶ୍ରମିକଙ୍କୁ ସାଇକେଲ ଓ ଆନୁସଙ୍ଗିକ ଯନ୍ତ୍ରପାତି ପ୍ରଦାନ କରିଛନ୍ତି। ଏଥିସହ ୪୦ ଜଣ କେନ୍ଦୁପତ୍ର ତୋଳାଳିଙ୍କୁ ବୋନସ୍‌ ଦେଇଥିଲେ। ଏସବୁ ଯୋଜନାରେ ପ୍ରାୟ ୫୦୦ କୋଟି ଟଙ୍କା ବ୍ୟୟ ଅଟକଳ ଧାର୍ଯ୍ୟ କରାଯାଇଛି। ମୁଖ୍ୟମନ୍ତ୍ରୀଙ୍କ ସହ ମନ୍ତ୍ରୀ ଅରୁଣ ସାହୁ ଏବଂ ବଦ୍ରି ନାରାୟଣ ପାତ୍ର ଯୋଗ ଉପସ୍ଥିତ ଥିଲେ।