କଟକରେ ଚାଲିଛି ରୀନାଙ୍କ ଚିକିତ୍ସା; କ’ଣ କହିଛନ୍ତି ଡାକ୍ତର ଶୁଣନ୍ତୁ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବଲାଙ୍ଗିର ଜିଲ୍ଲା ପାଟଣାଗଡ଼ରେ ଘଟିଥିବା ପାର୍ସଲ ବୋମା ବିସ୍ଫୋରଣ ଘଟଣାରେ ଆହତ ବୋହୂ ରୀନାରାଣୀ ସାହୁଙ୍କ ଅବସ୍ଥା ସଙ୍କଟାପନ୍ନ ହୋଇଛି। ତାଙ୍କୁ ଆଜି &nbsp;କଟକ ବଡ଼ ଡାକ୍ତରଖାନାରେ ଭର୍ତ୍ତି କରାଯାଇଛି। &nbsp;ତାଙ୍କ ଶରୀରର ୩୬ ପ୍ରତିଶତ ପୋଡ଼ି ଯାଇଛି। ତାଙ୍କୁ ପ୍ଲାଷ୍ଟିକ୍ ସର୍ଜରୀ ବିଭାଗର ୩ ନମ୍ବର କ୍ୟାବିନେର ରଖାଯାଇଛି। ତାଙ୍କୁ ପ୍ଲାଷ୍ଟିକ ସର୍ଭରୀ ବିଭାଗର ପ୍ରଫେସର ଡକ୍ଟର ଅନନ୍ଦା ପଟ୍ଟନାୟକ ଚିକିତ୍ସା କରୁଛନ୍ତି। ଆଖି,କାନ ଓ ଅନ୍ୟାନ୍ୟ ବିଭାଗ ଡାକ୍ତରମାନେ ମଧ୍ୟ ତାଙ୍କର ଅବସ୍ଥା ପରୀକ୍ଷା କରିବା ପରେ ଚିକିତ୍ସା ଆରମ୍ଭ କରିବେ।</p> <p>ରୀନାଙ୍କ ଦେହରେ କେଉଁଠି କେଉଁଠି କ୍ଷତ ହୋଇଛି, କ୍ଷତ କେତେ ଗୁରୁତର ଓ ତାଙ୍କର ଅବସ୍ଥା କେମିତି ଅଛି ସେସବୁ ନେଇ କଟକ ବଡ଼ ଡାକ୍ତରଖାନାର କାଜୁଆଲିଟି ମେଡିକାଲ୍ ଅଫିସର ଡକ୍ଟର ଭୂବନାନନ୍ଦ କ&rsquo;ଣ କହିଛନ୍ତି ଏ ଭିଡିଓରେ ଶୁଣନ୍ତୁ।</p> <p>ଫେବ୍ରୃଆରୀ୧୮ ତାରିଖରେ ପାଟଣାଗଡ଼ର ବ୍ରହ୍ମପଡ଼ାର ସୌମଶେଖରଙ୍କ ସହ ରୀନାରାଣୀଙ୍କ ବିବାହ ହୋଇଥିଲା। ୨୩ ତାରିଖ ଦିନ ପାର୍ସଲରେ ଏକ ଉପହାର ଘରକୁ ଆସିଥିଲା। ଏହି ପାର୍ସଲକୁ ଖୋଲିବା ସମୟରେ ଭୟଙ୍କର ବିସ୍ଫୋରଣ ହୋଇଥିଲା। ଫଳରେ ସୌମଶେଖର, ତାଙ୍କ ଜେଜେମା ଓ ରୀନାରାଣୀ ଗୁରୁତର ଆହତ ହୋଇଥିଲେ। ଚିକିତ୍ସାଧୀନ ଅବସ୍ଥାରେ ବଲାଙ୍ଗୀର ଜିଲ୍ଲା ମୁଖ୍ୟ ଚିକିତ୍ସାଳୟରେ ସୌମଶେଖର ଓ ତାଙ୍କ ଜେଜେମାଙ୍କର ସେହିଦିନ ହିଁ ମୃତ୍ୟୁ ହୋଇଯାଇଥିଲା। ପରେ ରୀନାରାଣୀଙ୍କୁ ସେଠାରୁ ବୁର୍ଲା ସ୍ଥାନାନ୍ତର କରାଯାଇଥିଲା। ଆଉ ଆଜି କଟକ ଅଣାଯାଇଛି।</p> <p>ଅନ୍ୟପକ୍ଷରେ ପୋଲିସ୍ ପାର୍ସଲ ପଠାଇଥିବା ବ୍ୟକ୍ତିଙ୍କ ପରିଚୟ ବି ପାଇଛି। ପାର୍ସଲ ପଠାଇଥିବା ବ୍ୟକ୍ତିଙ୍କ ନାଁ ଆର.କେ. ଶର୍ମା। ତାଙ୍କ ବିଷୟରେ ପୋଲିସ୍ ତଦନ୍ତ ଚଲାଇଛି।</p>