ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଅପରାଧର ନୂଆ ଫର୍ମୁଲା। ଝିଅଙ୍କୁ କରାଯାଉଛି ମୋହରା। ବ୍ଲାକମେଲିଂ, ଅପହରଣ ଓ ନିଶା କାରବାର ଭଳି ଅପରାଧ ପଛରେ ନିୟୋଜିତ କରାଯାଉଛି ଝିଅ। ଗତ ବର୍ଷକ ଭିତରେ ଏପରି ଏକାଧିକ ମାମଲାରେ ଝିଅଙ୍କ ସମ୍ପୃକ୍ତି ଥିବା ଚାଞ୍ଚଲ୍ୟକର ତଥ୍ୟ ସାମ୍ନାକୁ ଆସିଛି। ଏହା ଏବେ ଭୁବନେଶ୍ୱର କମିଶନରେଟ ପୋଲିସ ପାଇଁ ମୁଣ୍ଡ ବ୍ୟଥାର କାରଣ ପାଲଟିଛି।</p> <p>୨୦୧୭ ମସିହା ନଭେମ୍ୱର ୪ ତାରିଖରେ ଧରାପଡ଼ିଥିଲା ଚୋରା ଗଞ୍ଜେଇ ଚାଲାଣ ରାକେଟ୍‌। ଏହା ପଛରେ ଥିଲା ବଙ୍ଗୀୟ ଗ୍ଲାମରଗାର୍ଲ। କ୍ୟାରି ବ୍ୟାଗରେ ଗଞ୍ଜେଇ ଚାଲାଣ ବେଳେ ପୋଲିସ କବ୍‌ଜାରେ ଧରାପଡିଥିଲା ଲେଡି କ୍ରିମିନାଲ।</p> <p><a href="">(image) </a>୨୦୧୭ ଅକ୍ଟୋବର ୬ ତାରିଖରେ ଏକ ପ୍ରତିଷ୍ଠିତ ଘରୋଇ କଲେଜର ଇଂଜିନିୟରିଂ ଛାତ୍ରଙ୍କୁ ଅପରହଣ କରାଯାଇଥିଲା। ଏଥିପାଇଁ ୧୦ ଲକ୍ଷ ଟଙ୍କା ଦାବି କରିଥିଲେ ଅପହରଣକାରୀ। ଏହା ପଛରେ ଥିଲେ ଲେଡି କ୍ରିମିନାଲ। ପତ୍ନୀକୁ ବ୍ୟବହାର କରି ମାଷ୍ଟର ମାଇଣ୍ଡ ରଚିଥିଲେ ଅପହରଣ ବ୍ଲୁ ପ୍ରିଣ୍ଟ।</p> <p>୨୦୧୮ ମାର୍ଚ୍ଚ ୬ ତାରିଖରେ ଦୁଇ ଦୁଇଜଣ ଗାର୍ଲ ଫ୍ରେଣ୍ଡଙ୍କୁ ନିୟୋଜିତକରି ଯୁକ୍ତଦୁଇ ଛାତ୍ରୀଙ୍କୁ ଅପହରଣ କରାଯାଇଥିଲା। ୨ ଲକ୍ଷ ଟଙ୍କା ଆଦାୟ ପରେ ପୋଲିସ କବ୍‌ଜାରେ ଧରାପଡିଥିଲେ ଅପହରଣକାରୀ।</p> <p>୨୦୧୮ ଏପ୍ରିଲ୍‌ ୧୧ ତାରିଖରେ ଯୁବତୀଙ୍କୁ ନିୟୋଜିତ କରି ଘରୋଇ କଲେଜର ଅଧ୍ୟକ୍ଷଙ୍କୁ ଅପହରଣ କରାଯାଇଥିଲା। ଏଥିପାଇଁ ୧୦ ଲକ୍ଷ ଟଙ୍କା ବଟି ମାଗିବା ଅଭିଯୋଗରେ ୪ ଅପହରଣକାରୀ ଧରାପଡିଲେ। ପରେ ପଦାକୁ ଆସିଥିଲା ଚାଞ୍ଚଲ୍ୟକର ତଥ୍ୟ। ଝିଅଙ୍କୁ ମୋହରା କରି ଅପହରଣ ରଚାଯାଇଥିବା ଖୁଲାସା ହୋଇଥିଲା। ତେବେ ଗୋଟିଏ ପରେ ଗୋଟିଏ ଅପରାଧ ପଛରେ ଝିଅଙ୍କୁ ମୋହରା କରାଯିବା ପୋଲିସ ପାଇଁ ଚାଲେଞ୍ଜ ହୋଇଛି।</p> <p>https://youtu.be/QsE9dL52fcA</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
