ଫୁଲବାଣୀ(ତ୍ରିନାଥ ସାହୁ): ଅଟୋରେ କଲରାପତରିଆ ବାଘ ଚମଡ଼ା ଚାଲାଣ ହେଉଥିବା ବେଳେ ଧରାପଡ଼ିଗଲା। ଏପରି ଘଟଣା ଗତକାଲି ଫୁଲବାଣୀ ବନାଞ୍ଚଳ ଗୂଦାରୀ ଗାଁ ଛକ ନିକଟରେ ଘଟିଛି।
ବିଶ୍ୱସ୍ତ ସୂତ୍ରରୁ ଖବର ପାଇ ଫୁଲବାଣୀ ବନାଞ୍ଚଳ ଟିମ୍ ଅଟୋକୁ ଅଟକାଇ ଯାଞ୍ଚ କରିଥିଲା। ଏହାପରେ ସୁଡ଼ୁରୁକୁମ୍ପାରୁ ଅଟୋରେ ବାଘ ଚମଡ଼ା ଚାଲାଣ ହେଉଥିବା ଜଣାପଡ଼ିଥିଲା। ଘଟଣାସ୍ଥଳରୁ ଅଟୋ ଚାଳକ ଅର୍ଜୁନ ଗଣ୍ଡାଙ୍କୁ ଗିରଫ କରାଯାଇଥିବା ବେଳେ ସୁଡ଼ୁରୁକୁମ୍ପା ଅଞ୍ଚଳରୁ ଅନ୍ୟ ଜଣଙ୍କୁ ମଧ୍ୟ ଗିରଫ କରାଯାଇଛି। ସୁଡ଼ୁରୁକୁମ୍ପା ଅଞ୍ଚଳରୁ ଗିରଫ ହୋଇଥିବା ବ୍ୟକ୍ତିଙ୍କଠାରୁ ଗୋଟିଏ ବନ୍ଧୁକ ଓ ବାଘ ନଖ ମଧ୍ୟ ଜବତ ହୋଇଛି ।