ମାଆଙ୍କୁ ଆଣିଲେ, ମାଟି ଛାଡ଼ିଲେ

<p>କେନ୍ଦ୍ରାପଡ଼ା(ଓଡ଼ିଶା ରିପୋର୍ଟର): ଗାଁକୁ ଗିଳିଥିଲା ସର୍ବଗ୍ରାସୀ ସମୁଦ୍ର। ମାଆଙ୍କୁ ବି ଛାଡ଼ି ନଥିଲା। ଗ୍ରାସିବାକୁ ଉଦ୍ୟମ କରୁଥିବା ବେଳେ ମାଆଙ୍କ ସହ ଗାଁ ଲୋକଙ୍କୁ ବିସ୍ଥାପିତ କଲା ଜିଲ୍ଲାପ୍ରଶାସନ। ଏପରି ସ୍ଥିତି ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲ୍ଲାରେ। ସାତଭାୟାର ଅଧିଷ୍ଠାତ୍ରୀ ଦେବୀ ପଞ୍ଚୁବରାହୀଙ୍କୁ ନୂଆଗାଁ ବଗପାଟିଆକୁ ସ୍ଥାନାନ୍ତର କରାଯାଇଛି। ଏଥିପାଇଁ ସାରା ଗାଁ ଉତ୍ସବ ମୁଖର ହୋଇଉଠିଛି। ଭଜନ କୀର୍ତ୍ତନରେ ମାତିଛନ୍ତି ଗ୍ରାମବାସୀ।</p><p>&lt;a href=&quot;&quot;&gt;(image) &lt;/a&gt;୧୯୭୧ ମହାବାତ୍ୟା ପରେ କ୍ରମଶଃ ନିଜ ସତ୍ତା ହରାଇଥିଲା ସାତଭାୟା। ପାଞ୍ଚଟି ଗାଁ ସମୁଦ୍ର ଗର୍ଭକୁ ଯାଇଥିଲେ। ବାକି ଦୁଇଟି ଗାଁର ୫୭୧ ପରିବାରକୁ ୧୨ କିଲୋମିଟର ଦୂର ବଗପାଟିଆରେ ଥଇଥାନ ପାଇଁ ପ୍ରକ୍ରିୟା ଆରମ୍ଭ କରିଥିଲେ ସରକାର। କିନ୍ତୁ ସାତଭାୟାର କିଛି ଲୋକ ଜିଦ୍ ଧରିଥିଲେ। ନୂଆ ଗାଁକୁ ପଞ୍ଚୁବରାହୀ ନଗଲେ ସେମାନେ ଯିବେନି। ଶେଷରେ ପୂରଣ ହେଲା ୫୦ ବର୍ଷର ଦାବି। ଆଜି ବଗପାଟିଆର ନୂଆ ମନ୍ଦିରରେ ଦେବୀଙ୍କ ବିଗ୍ରହ ସ୍ଥାପନା ହେଲା। ଜୁନ୍ ସୁଦ୍ଧା ସାତଭାୟାର ପ୍ରାୟ ୧୦୦ ପରିବାରଙ୍କୁ ନୂଆଗାଁ ବଗପାଟିଆରେ ଘର କରି ଥଇଥାନ କରାଯିବ।</p><p>&lt;a href=&quot;http://odishareporter.in/wp-content/uploads/2018/04/maa-satabhaia-comming-to-new-temple.jpg11.jpg&quot;&gt;(image) &lt;/a&gt;ଆଜି ସାତଭାୟା ବାସୀଙ୍କ ପାଇଁ ଖୁସିର ଦିନ। କାରଣ ନୂଆ ମନ୍ଦିରକୁ ସାତଭାୟାର ଅଧିଷ୍ଠାତ୍ରୀ ଦେବୀ ପଞ୍ଚୁବରାହୀଙ୍କ ସ୍ଥାନାନ୍ତର କରାଯାଇଛି। ସମୁଦ୍ରରେ ଲୀନ ହେବାକୁ ବସିଥିବା ପୁରୁଣା ଆସ୍ଥାନଠାରୁ ବଗପାଟିଆ ଗାଁରେ ନିର୍ମିତ ନୂଆ ମନ୍ଦିର ପର୍ଯ୍ୟନ୍ତ ସବୁଠି ଜମିଥିଲା ହଜାର ହଜାର ଲୋକଙ୍କ ଗହଳି। ମାଆଙ୍କୁ ପାଛୋଟି ନେବାକୁ ସମସ୍ତେ ବ୍ୟଗ୍ର। ପୁରୁଣା ମନ୍ଦିରରୁ ପାଞ୍ଚ ଭଉଣୀଙ୍କ ବିଗ୍ରହକୁ ପ୍ରଥମେ ଗାଡ଼ିରେ ଅଣାଯିବା ପରେ ଡଙ୍ଗାରେ ବାଉଁଶଗଡ଼ି ନଦୀ ପାର କରାଯାଇଥିଲା। ସେଠାରୁ ପୁଣି ଗାଡ଼ିରେ ଦେବୀଙ୍କ ବିଗ୍ରହକୁ ଆଣି ବଗପାଟିଆ ଗାଁରେ ନବନିର୍ମିତ ମନ୍ଦିରରେ ପ୍ରତିଷ୍ଠା କରାଯାଇଥିଲା। ଘଣ୍ଟଘଣ୍ଟା ଓ ହୁଳହୁଳି ସହ ଯଜ୍ଞ ଓ ପୂଜାପାଠରେ କମ୍ପିଥିଲା ମନ୍ଦିର ପ୍ରାଙ୍ଗଣ।</p><p>ବିସ୍ଥାପିତଙ୍କ ସୁବିଧା ପାଇଁ ବଗପାଟିଆରେ ସରକାରଙ୍କ ପକ୍ଷରୁ ମନ୍ଦିର ନିର୍ମାଣ ସହ ରାସ୍ତାଘାଟ, ସ୍କୁଲ୍, ଅଙ୍ଗନଓ୍ୱାଡ଼ି ଗୃହ, ପାନୀୟ ଜଳ ପ୍ରକଳ୍ପ, ପଞ୍ଚାୟତ କାର୍ଯ୍ୟାଳୟ ତିଆରି କରାଯାଇଛି। ଏପରିକି ବିଦ୍ୟୁତ ସଂଯୋଗ କରାଯାଇଛି।</p><p>https://youtu.be/0qU0OpCEnBk</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।