ଏମିତି ଦେଖା ହୋଇଛି ମାଟ୍ରିକ୍‌ ଖାତା: ଠିକ୍‌ ଉତ୍ତରକୁ ଭୁଲ୍‌ ଦେଇଛନ୍ତି ସାର୍‌!

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ମାଟ୍ରିକ୍&zwnj; ଖାତା ମୂଲ୍ୟାୟନ ତ୍ରୁଟିଶୂନ୍ୟ ହେବ। ମନ୍ତ୍ରୀଙ୍କଠାରୁ ମାଧ୍ୟମିକ ଶିକ୍ଷକ ପରିଷଦ(ବୋର୍ଡ଼) ପର୍ଯ୍ୟନ୍ତ ସମସ୍ତେ ମାରିଥିଲେ ବାହସ୍ପଟ୍&zwnj;। ମାତ୍ର ପରୀକ୍ଷା ଫଳ ପ୍ରକାଶ ପାଇବା ପରେ ସବୁ ପଦାରେ ପଡ଼ିଯାଇଛି। ସାହିତ୍ୟ ଓ ଇଂରାଜୀର ଅବଜେକ୍ଟିଭ୍ ଟାଇପ୍ ପ୍ରଶ୍ନରେ ଛାତ୍ରଛାତ୍ରୀ ଠିକ୍ ଉତ୍ତର ଲେଖିଥିଲେ। ହେଲେ ବୋର୍ଡ କର୍ତ୍ତୃପକ୍ଷ ଦେଇଥିବା ସ୍କୋରିଂ କି&rsquo;ରେ କିନ୍ତୁ ଉତ୍ତର ଅପସନ ଭୁଲ୍ ଥିବାରୁ କଟିଛି ମେଧାବୀ ଛାତ୍ରଛାତ୍ରୀଙ୍କ ମାର୍କ। ଏନେଇ ବୋର୍ଡ କର୍ତ୍ତୃପକ୍ଷ ମୁହଁ ଖୋଲୁନଥିବା ବେଳେ ପିଲାମାନେ ମାର୍କ ସଂଶୋଧନ ନେହେଲେ ଆଇନର ଆଶ୍ରୟ ନେବେ ବୋଲି ଧମକ ଦେଲେଣି।</p><p>&lt;a href=&quot;&quot;&gt;(image) &lt;/a&gt;ବାଲେଶ୍ୱରର ମେଧାବୀ ଛାତ୍ରୀ ମୋନାଲିସା ପାତ୍ର। ଚଳିତବର୍ଷ ମାଟ୍ରିକ ପରୀକ୍ଷାରେ ୫୫୪ ନମ୍ବର ରଖି ଏ-ଓ୍ୱାନ୍ ଗ୍ରେଡ୍ ପାଇଛନ୍ତି। ପରୀକ୍ଷାବେଳେ ସାହିତ୍ୟ ପ୍ରଶ୍ନପତ୍ରର ସେଟ୍-ସି ଉତ୍ତର ଖାତା ପାଇଥିଲେ ମୋନାଲିସା। ଯେଉଁଥିରେ ୪୬ ନମ୍ବର ଅବଜେକ୍ଟିଭ ଟାଇପ୍&zwnj; ପ୍ରଶ୍ନରେ ପଚରାଯାଇଥିଲା। ସେଥିରେ ଗୋଟିଏ ପ୍ରଶ୍ନ ହେଉଛି, ଉପଯୁକ୍ତ ଅର୍ଥବୋଧକ ପଦ ସଂହତିର ଉପଯୁକ୍ତ ସମାହାରକୁ କ&rsquo;ଣ କୁହାଯାଏ? ଏଥିପାଇଁ&nbsp; ୪ଟି ଅପସନ ଦିଆଯାଇଥିଲା। ମୂଲ୍ୟାୟନକାରୀଙ୍କୁ ବୋର୍ଡ କର୍ତ୍ତୃପକ୍ଷ ଦେଇଥିବା ସେଟ୍&zwnj; ସି&rsquo; ସ୍କୋରିଂ କି&rsquo;ରେ ଉତ୍ତର ଥିଲା &lsquo;ବାକ୍ୟାଂଶ&rsquo;। କିନ୍ତୁ ପଢ଼ା ବହିରେ ଏହାର ଉତ୍ତର ହେଉଛି &lsquo;ବାକ୍ୟ&rsquo;। ମୋନାଲିସା ଠିକ୍ ଉତ୍ତର ଦେଇଥିଲେ। ହେଲେ ତାଙ୍କର ୧ ମାର୍କ କଟିଯାଇଛି।</p><p>&lt;a href=&quot;http://odishareporter.in/wp-content/uploads/2018/05/Matric-paper-is-not-checking-properly-1.jpg&quot;&gt;(image) &lt;/a&gt;ଠିକ୍&zwnj; ସେମିତି ଇଂରାଜୀ ପ୍ରଶ୍ନପତ୍ର ସେଟ୍&zwnj; ସ୍କୋରିଂ ସେଟ୍ ଉତ୍ତରରେ ମଧ୍ୟ ଆସିଛି ସାଂଘାତିକ ତ୍ରୁଟି। ଗୋଟିଏ ପ୍ରଶ୍ନ ପାଇଁ ଅଲଗା ଅଲଗା ସେଟ୍&zwnj;ରେ ବୋର୍ଡ କର୍ତ୍ତୃପକ୍ଷ ରଖିଛନ୍ତି ୨ଟି ଉତ୍ତର। ସେଟ୍ ଏ&rsquo;ର ୩୩ ନମ୍ବର ଓ ସେଟ୍ ବି&rsquo;ର ୪୮ ନମ୍ବର ପ୍ରଶ୍ନ ସମାନ। ସେଟ୍&zwnj;ରେ ଦିଆଯାଇଥିବା ଅପସନରେ ଠିକ୍ ଉତ୍ତର ଡି&rsquo; ରହିଛି। ଯାହାକୁ ବ୍ରହ୍ମପୁରର ଜଣେ ମେଧାବୀ ଛାତ୍ର ହିମାଂଶୁ ସେଠୀ ଠିକ୍ ଭାବେ ଲେଖିଛନ୍ତି। ହେଲେ ସ୍କୋରିଂ କି&rsquo;ରେ ଉତ୍ତର ଅପସନ ବି&rsquo; ରହିଥିବାରୁ ତାଙ୍କର ମାର୍କ କଟିଛି। ଆଉ ସେଟ୍ ବି&rsquo; ସ୍କୋରିଂ କି&rsquo;ରେ କିନ୍ତୁ ସମାନ ପ୍ରଶ୍ନର ଉତ୍ତର ହିମାଂଶୁ ଲେଖିଥିବା ଉତ୍ତର ସହ ସମାନ।</p><p>ଏଭଳି ବିଭ୍ରାଟକୁ ନେଇ ଆପତ୍ତି ଉଠାଇଛନ୍ତି ଛାତ୍ରଛାତ୍ରୀ। ତୁରନ୍ତ ପୁନଃ ମୂଲ୍ୟୟନ କରାଯାଇ ମାର୍କ ସଂଶୋଧନ ନହେଲେ ଆଇନର ଆଶ୍ରୟ ନେବାକୁ ସଜବାଜ ହେଲେଣି ଶିକ୍ଷକ ଶିକ୍ଷୟିତ୍ରୀ।</p><p>ବହିରେ ଉତ୍ତର ଗୋଟେ, ହେଲେ ସ୍କୋରିଂ କିରେ ଉତ୍ତର ଅଲଗା। କେମିତି ହେଉଛି ଏଭଳି ତ୍ରୁଟି ? ଯେଉଁ ପରୀକ୍ଷକ ଖାତା ଦେଖିଥିଲେ ସେମାନେ କ&rsquo;ଣ ଏହାର ଉତ୍ତର ଜାଣି ନଥିଲେ କି ? ଯଦି ଜାଣିଥିଲେ ତାହାଲେ ଠିକ୍ ଉତ୍ତର ପାଇଁ ମାର୍କ ଦେଲେ ନାହିଁ କାହିଁକି ? ଛାତ୍ରଛାତ୍ରୀଙ୍କ ଭବିଷ୍ୟତ ସହ ଏହା ଖେଳ ନୁହେଁ ତ ? କାରଣ ଗୋଟିଏ ଗୋଟିଏ ମାର୍କ ପାଇଁ କେଉଁଠି ମେଧାବୀ ପିଲାଟିଏ ଏ-ଓ୍ୱାନ୍ ଗ୍ରେଡ ପାଇବାରୁ ବଞ୍ଚିତ ହୋଇଛି ତ ଅନ୍ୟ କେହି ଓଡ଼ିଆରେ ଫେଲ୍ ମଧ୍ୟ ହୋଇଯାଇଛି। ହେଲେ ଏହାକୁ ନେଇ ବୋର୍ଡ କର୍ତ୍ତୃପକ୍ଷଙ୍କର କିନ୍ତୁ ପରଓ୍ୱା ନାହିଁ। କିଛି ଉତ୍ତର ଦେବାକୁ ମନା କଲେ।</p><p>https://youtu.be/s7t5LjeyMAs</p><p>&amp;nbsp;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।