ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟ ସରକାର ଆଜି ଆଇଏଫଏସ୍ ସ୍ତରରେ ଅଦଳବଦଳ କରିଛନ୍ତି। ଏନେଇ ରାଜ୍ୟ ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ଜାରି ବିଜ୍ଞପ୍ତି ଅନୁସାରେ ୧୯୮୭ ବ୍ୟାଚ୍ ଇଣ୍ଡିଆନ୍ ଫରେଷ୍ଟ ସର୍ଭିସ(ଆଇଏଫଏସ) ଅଫିସର ସୁଶୀଲ କୁମାର ପୋପଲିଙ୍କୁ ରାଜ୍ୟ ପରିବେଶ ନିର୍ଦ୍ଦେଶକ ଭାବେ ଅବସ୍ଥାପିତ କରାଯାଇଛି। ସେ ଜଙ୍ଗଲ ଓ ପରିବେଶ ବିଭାଗର ସ୍ୱତନ୍ତ୍ର ସଚିବ ଭାବେ ମଧ୍ୟ କାର୍ଯ୍ୟ କରିବେ।
ସେହିପରି ୧୯୮୮ ବ୍ୟାଚ୍ ଆଇଏଫଏସ୍ ଦେବୀଦତ୍ତ ବିଶ୍ୱାଳଙ୍କୁ ଇସ୍ପାତ ଓ ଖଣି ବିଭାଗର ସ୍ୱତନ୍ତ୍ର ସଚିବ ଭାବେ ବଦଳି କରାଯାଇଛି। ସେହିପରି ୧୯୯୪ ବ୍ୟାଚ୍ ଆଇଏଫଏସ୍ ଡଃ କେ. ମୁରୁଗେସନଙ୍କୁ ଓଡ଼ିଶା ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ସଦସ୍ୟ ସଚିବ, ୨୦୧୩ ବ୍ୟାଚର ଆଇଏଫଏସ ରିଙ୍କୁ କୁମାରୀଙ୍କୁ କୋରାପୁଟ ଡିଏଫଓ, ୨୦୧୪ ବ୍ୟାଚ୍ ଆଇଏଫଏସ ପି. ପୂର୍ଣ୍ଣିମାଙ୍କୁ ଭଦ୍ରକ ଡିଏଫଓ ଏବଂ ଅମ୍ଲାନ ନାୟକଙ୍କୁ ଭୁବନେଶ୍ୱର ପିସିସିଏଫ କାର୍ଯ୍ୟାଳୟକୁ ବଦଳି କରାଯାଇଛି।