ବିଷ ପିଇ ମାଆ, ଯାଆଁଳା ପୁଅଙ୍କ ମୃତ୍ୟୁ

ବରଗଡ଼ (ଦୀପକ ଶର୍ମା): ପାରିବାରିକ କହଳରୁ କରୁଣ ପରିଣତି। ସ୍ୱାମୀଙ୍କ ସହିତ ପାଟିତୁଣ୍ଡ କରି ସ୍ତ୍ରୀ ଓ ତାଙ୍କର ଯାଆଁଳା ପୁଅ ବିଷ ପିଇଦେଇଛନ୍ତି। ଫଳରେ ସେମାନଙ୍କର ମୃତ୍ୟୁ ଘଟିଛି। ଆଜି ଏପରି ଅଭାବନୀୟ ଘଟଣା ବରଗଡ଼ ଜିଲ୍ଲାରେ ଘଟିଛି।

ପୂରା ଘଟଣା ଏମିତି। ସଦର ଥାନା ଚାରପାଲି ଗାଁ ଗୋପୀନାଥ ବନ୍‌ଛୋରଙ୍କ ସହିତ ପତ୍ନୀ ଉତ୍ତରା ଓ ଦୁଇ ଯାଆଁଳା ପୁଅ(ଜଗା ଏବଂ ବଳିଆ)ଙ୍କର କୌଣସି କଥାକୁ ନେଇ ପାଟିତୁଣ୍ଡ ହୋଇଥିଲା। ଏଥିରେ ଉତ୍‌କ୍ଷିପ୍ତ ହୋଇ ମାଆ ଓ ଦୁଇ ପୁଅ ବିଲକୁ ଯାଇ ବିଷ ପିଇ ଦେଇଥିଲେ। ପରେ ସେମାନେ ସେହି ବିଲରେ ଚେତା ହରାଇ ପଡ଼ିଥିଲେ। ସ୍ଥାନୀୟ ଲୋକେ ସେମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ସେଠାରେ ମାଆ ଉତ୍ତରାଙ୍କୁ ଡାକ୍ତର ମୃତ ଘୋଷଣା କରିଥିଲେ। ପରେ ଜଗା ଓ ବଳିଆଙ୍କୁ ଚିକିତ୍ସା କରିଥିଲେ। ତେବେ ସେମାନଙ୍କର ମଧ୍ୟ ମୃତ୍ୟୁ ଘଟିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।