ବିଜୁବାବୁଙ୍କ ପରି କିଙ୍ଗମେକର୍‌ ହେବେ କି ନବୀନ ? ଧର୍ମେନ୍ଦ୍ର କହିଲେ…

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଜାତୀୟ ରାଜନୀତିରେ ପ୍ରବେଶ କରିପାରନ୍ତି ନବୀନ ପଟ୍ଟନାୟକ। ଏହାକୁ ନେଇ ଏବେ ଚର୍ଚ୍ଚା ଜୋର ଧରିଛି। ୪ ଥର ମୁଖ୍ୟମନ୍ତ୍ରୀ ହେବା ପରେ ନବୀନଙ୍କ ଏଭଳି କିଛି ଯୋଜନା ଅଛି କି ନାହିଁ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା। ଗତକାଲି ବିଜୁ ବାବୁଙ୍କ ଉପରେ ବହି ଉନ୍ମୋଚନ ଆଳରେ ଜାତୀୟସ୍ତରର ହେଭିୱେଟ୍&zwnj; ନେତାଙ୍କୁ ଗୋଟିଏ ମଞ୍ଚରେ ଏକାଠି କରିବା ପରେ ଏଭଳି କଳ୍ପଜଳ୍ପନା ପ୍ରକାଶ ପାଇଛି। ନବୀନଙ୍କ ଏହି ପରିବର୍ତ୍ତିତ ରଣନୀତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପାଇଁ ଚ୍ୟାଲେଂଜ ହୋଇପାରେ ବୋଲି ଚର୍ଚ୍ଚା ହେଉଛି।</p> <p>ପୂର୍ବତନ ପ୍ରଧାନମନ୍ତ୍ରୀ ଏଚ୍.ଡି. ଦେବଗୌଡ଼ାଙ୍କ ମନ୍ତବ୍ୟ ପରେ ଏବେ ଚର୍ଚ୍ଚା ହେଉଛି, ବିଜୁବାବୁଙ୍କ ଭଳି ନବୀନ ପଟ୍ଟନାୟକ ବି ଜାତୀୟ ରାଜନୀତିରେ କିଙ୍ଗମେକର୍ ଭୂମିକା ନେବାକୁ ଚାହୁଁଛନ୍ତି। ଆଡ଼ଭାନୀ, ପ୍ରଣବ ମୁଖାର୍ଜୀ, ଦେବେଗୌଡ଼ା ଓ ସୀତାରାମ ୟେଚୁରୀଙ୍କୁ ଗୋଟିଏ ମଞ୍ଚରେ ଏକାଠି କରିବା ପରେ ବିଜୁବାବୁଙ୍କ ଭଳି ନବୀନଙ୍କର ଜାତୀୟ ରାଜନୀତିରେ ପାଦ ଥାପିବାକୁ&nbsp; ଅଭିପ୍ରାୟ ରହିଛି କି ? ବିଜେପି ଓ କଂଗ୍ରେସ୍&zwnj;ଠାରୁ ସମଦୂରତା ଫର୍ମୁଲାକୁ ପରିବର୍ତ୍ତନ କରି ଥାର୍ଡଫ୍ରଣ୍ଟ ଗଠନ ଲାଗି ସାନି ପ୍ରୟାସ କରିବେ କି ନବୀନ ? ଆଗରୁ ଜାତୀୟସ୍ତର ଟାଣୁଆ ନେତା ଦେବଗୌଡ଼, ଚନ୍ଦ୍ରଶେଖର, ଓମ୍&zwnj;ପ୍ରକାଶ ଚୌତାଲା, ଏନ୍&zwnj;ଟି ରାମାରାଓ, ଏମ୍&zwnj;ଜି ରାମଚନ୍ଦ୍ରନ ଓ କରୁଣାନିଧିଙ୍କ ସହ ବିଜୁ ବାବୁଙ୍କର ଘନିଷ୍ଠ ସଂପର୍କ ଥିଲା। ନବୀନ ବି ସେଇ ନ୍ୟାୟରେ ପୁରୁଣା ସହଯୋଗୀଙ୍କୁ ନେଇ ନିଜ ପତିଆରା ବଢାଇବାକୁ ଚାହୁଁଛନ୍ତି କି ? ଏପରି ପ୍ରଶ୍ନ ଏବେ ଉଠିବାରେ ଲାଗିଛି। ଆଦର୍ଶ ମୁଖ୍ୟମନ୍ତ୍ରୀ ପୁରସ୍କାର ଓ ଏହା ପୂର୍ବରୁ ଦିଲ୍ଲୀରେ ଶ୍ରେଷ୍ଠ ପ୍ରଶାସକ ପୁରସ୍କାର ପାଇବା ଭଳି କାର୍ଯ୍ୟକ୍ରମରୁ ଏଭଳି କିଛି ଆଭାଷ ମିଳୁଛି।</p> <p>ହେଲେ ଏପରି ଚର୍ଚ୍ଚା ଭିତରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଏହା ମୁଙ୍ଗେରିଲାଲର ହସିନ୍ ସ୍ୱପ୍ନ।</p> <p>ସେହିପରି ବିରୋଧୀ ଦଳ ନେତା ନରସିଂହ ମିଶ୍ର କହିଛନ୍ତି ଓଡିଶା ଛାଡି ନବୀନ କୁଆଡେ ଯିବେ ନାହିଁ।</p>