ଓଡ଼ିଶା ଲାଇବ୍ରେରୀ ଏକାଡେମୀର ଅଷ୍ଟମ ବେବିନାର ଓ ୱେବ୍‌କାଷ୍ଟ

ଭୁବନେଶ୍ୱର (ଓଡ଼ିଶା ରିପୋର୍ଟର): ‘କରୋନା’ ମହାମାରୀ ସମୟରେ ଓଡ଼ିଶା ଲାଇବ୍ରେରୀ ଏକାଡେମୀ (ଓଏଲ୍‌ଏ) ସଫଳତାର ସହିତ ୱେବିନାର ଆୟୋଜନ କରିଛି। ଓଏଲ୍‌ଏ ଅଧ୍ୟୟନଚକ୍ରର ଏକ ଅଂଶ ଓଏଲ୍‌ଏ ବେବିନାର ସିରିଜ କୋଭିଡ-୧୯ ଅବଧି ମଧ୍ୟରେ କ୍ରମାଗତ ଅଷ୍ଟମ ୱେବିନିନାର୍‌ ସିରିଜ୍‌ ଆୟୋଜନ ଜାରି ରଖିଛି।

ଗତ ଶନିବାର ଓଏଲ୍‌ଏର ଅଷ୍ଟମ ୱେବିନିନର ‘ଆଧୁନିକ ପରିବର୍ତ୍ତନ ଓ ଅଭିନବ ଲାଇବ୍ରେରୀ ସ୍ପେସ୍‌’ ଆୟୋଜନ ହୋଇଯାଇଛି।  ଏଥିରେ ମୁଖ୍ୟବକ୍ତାଭାବେ ଭାରତୀୟ ପରିସଂଖ୍ୟାନ ପ୍ରତିଷ୍ଠାନ, କୋଲକାତାର ମୁଖ୍ୟ ଲାଇବ୍ରେରିଆନ୍‌ ଡକ୍ଟର କିଶୋର ଚନ୍ଦ୍ର ଶତପଥୀ ଯୋଗଦେଇଥିଲେ। ‘କରୋନା’ ମହାମାରୀ ସମୟରେ ଲାଇବ୍ରେରୀ, ସୂଚନା କେନ୍ଦ୍ର, ସଂଗ୍ରହାଳୟକୁ ଧରି ରଖିବା ପାଇଁ ଅନ୍ତର୍ନିହିତ ଜ୍ଞାନ ଓ ବୃତ୍ତିଗତ ଅଭିଜ୍ଞତାକୁ ଏକତ୍ର କରିଥିଲେ ବୋଲି ସେ କହିଥିଲେ। ଏହାଛଡ଼ା ଡକ୍ଟର ଶତପଥୀ ବୃତ୍ତିଗତ ଅଭିଜ୍ଞତା ସହିତ ନୂତନ ଅଭିନବ କୌଶଳ ବିଷୟରେ ସୁନ୍ଦର ଭାବରେ ବର୍ଣ୍ଣନା କରିଥିଲେ।

ଓଏଲ୍‌ଏର ସଭାପତି ଡକ୍ଟର ବାନାମ୍ବର ସାହୁ ଚେୟାର ପର୍ସନ ଭାବରେ ୱେବିନିନାରର ସଭାପତିତ୍ୱ କରିଥିଲେ। ଏହି କାର୍ଯ୍ୟକ୍ରମର ସଂଯୋଜକ ଭାବରେ ରାଜ କୁମାର ମହାପାତ୍ର ସ୍ୱାଗତ ଭାଷଣ ଦେଇଥିବା ବେଳେ ଓଏଲଏର କୋଷାଧ୍ୟକ୍ଷ ଅବିନାଶ ଦାଶ ଧନ୍ୟବାଦ ଦେଇଛନ୍ତି। ୱେବିନାର୍‌ ସିଷ୍ଟମ୍‌ ଆଡମିନିଷ୍ଟ୍ରେଟର ଭାବରେ  ବୈଷୟିକ ସହାୟତା ପ୍ରଦାନ କରିଥିଲେ ସମ୍ବୁନାଥ ସାହୁ, ନିରଞ୍ଜନ ମହାପାତ୍ର ଓ ଜୟନ୍ତ କୁମାର ସାହୁ। ୫୦୦ରୁ ଅଧିକ ଅଂଶଗ୍ରହଣକାରୀ ଅନ୍‌ଲାଇନ ଅଧିବେଶନରେ ଯୋଗଦେଇଥିଲେ। ଆଇଆଇଟି ଭୁବନେଶ୍ୱରର ଡେପୁଟି ଲାଇବ୍ରେରିଆନ ତଥା ଓଏଲଏର ସଦସ୍ୟ ଡାକ୍ତର ବିଭୁତି ଭୂଷଣ ସାହୁ ଗଣମାଧ୍ୟମକୁ ସୂଚନା ଦେଇଛନ୍ତି ଯେ ୧୧ ଜୁଲାଇ ୨୦୨୦ ରେ  ଓଏଲଏ ୱେବିନିନର ୯ ତାରିଖରେ ଅନୁଷ୍ଠିତ ହେବାକୁ ଯାଉଛି। ଯେଉଁଥିରେ ଭାରତ ସରକାରଙ୍କ ସଂସ୍କୃତି ମନ୍ତ୍ରଣାଳୟ ଦ୍ୱାରା ପରିଚାଳିତ ଇନ୍ଦିରାଗାନ୍ଧୀ ରାଷ୍ଟ୍ରୀୟ କଳା କେନ୍ଦ୍ର, ନୂଆଦିଲ୍ଲୀର ଡିନ ତଥା ମୁଖ୍ୟ  ପ୍ରଫେସର ଡକ୍ଟର ରମେଶ ସି ଗୌର “ପରବର୍ତ୍ତୀ ପିଢ଼ିର ଲାଇବ୍ରେରୀ ଲିଡ୍‌ରଙ୍କର ବିକାଶ” ଉପରେ ଚର୍ଚ୍ଚା କରିବେ।