ବବି ଦାସ କହିଛନ୍ତି, ବୈଜୟନ୍ତଙ୍କ କ୍ୟାମ୍ପ ଛାଡିଲେ ରିୱାର୍ଡ ମିଳିବ: ଶୁଣନ୍ତୁ ଅଡିଓ

ଭୁବନେଶ୍ୱର(ଓଡିଶା ରିପୋର୍ଟର): ‘ପି’ ବିରକ୍ତ ହେଲେଣି। ଇମିଡିଏଟ୍‌ ଡିସିସନ୍‌ ନେ। ‍‘ପି’ ଫୁଲ ଆସ୍ୟୁରାନ୍ସ ଦେଇଛି। ଆଉ ତୁ ତ ଜାଣିଛୁ ସେ କମଟେଡ ଫେଲୋ। ଜାଣିଚୁ ନା ନାଇଁ ବବି ଏବେ ଏ ଟୁ ଜେଡ୍‌, ମାଲ୍‌ଠୁ ନେଇ ସବୁକିଛି ତା ହାତରେ। ଏପଟେ ରହ। ଆମର one time settlement, ହେଲେ ସେପଟେ ରହିଲେ loss। ….ତୋତେ କର୍ପୋରେଶନରେ ଚାନ୍ସ ମିଳିବ….ହାଁ…।

କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡାଙ୍କ ବିରୋଧରେ ଚାଲିଥିବା ଷଡ଼ଯନ୍ତ୍ରର ଏକ ଚାଞ୍ଚଲ୍ୟକର ପ୍ରମାଣ ପଦାକୁ ଆସିଛି। ବୈଜୟନ୍ତଙ୍କ ରାଜନୈତିକ ସହଯୋଗୀ ଦେବାଶିଷ ମଲ୍ଲିକ ତାଙ୍କ କ୍ୟାମ୍ପ ଛାଡିବା ପ୍ରରିପ୍ରେକ୍ଷୀରେ ଏହି ଖୁଲାସା କରିଛନ୍ତି କେନ୍ଦ୍ରାପଡ଼ା ବିଜେଡି ସଂଖ୍ୟାଲଘୁ ସେଲର ପୂର୍ବତନ ସଭାପତି ସଲିମ୍ ଖାନ୍। ପୂର୍ବତନ ମନ୍ତ୍ରୀ ବବି ଦାସ୍ ଓ  ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭି.କ. ପାଣ୍ଡିଆନ ହିଁ ଏହି ଷଡ଼ଯନ୍ତ୍ରର କାର୍ପଟଦାର ବୋଲି ସାମ୍ବାଦିକ ସମ୍ମିଳନୀ କରି ଚାଞ୍ଚଲ୍ୟକର ଖୁଲାସା କରିଛନ୍ତି ସଲିମ୍।

ସେ କହିଛନ୍ତି ଯେ, ବୈଜୟନ୍ତଙ୍କ କ୍ୟାମ୍ପ୍ ଛାଡିବାକୁ ଦେବାଶିଷଙ୍କୁ ପ୍ରବର୍ତ୍ତାଇଥିଲେ ବବି ଦାସ। ବବିଙ୍କ ନିର୍ଦ୍ଦେଶ ରହିଛି, ଯେତେ ଆଗ୍ରେସିଭ୍ ହେବ ସେତେ ଆଓ୍ୱାର୍ଡ ମିଳିବ। ଏବଂ କେନ୍ଦ୍ରାପଡ଼ା ସାଂସଦଙ୍କ କ୍ୟାମ୍ପ ଛାଡିଲେ ସବୁ କଥା ପୂରଣ ହେବ ବୋଲି  ସଲିମ ଖାନଙ୍କୁ ଦେବାଶିଷ ଫୋନ୍‌ କରି କହିଥିଲେ। ବିଜୁ ବାବୁଙ୍କ ଶ୍ରାଦ୍ଧ ଦିବସକୁ ସେ ଫିକ୍ସ କରିଛନ୍ତି  ପ୍ଲାନ୍ ପୋଗ୍ରାମ। ସେ ଦିନ ମିଡିଆ ଆଗରେ ଷ୍ଟେଟ୍‌ମେଣ୍ଟ ଦେବା ସହ ବମ୍ ଫୁଟେଇବେ ବୋଲି ଦେବାଶିଷ ସଲିମ ଖାନ୍‌ଙ୍କୁ ଫୋନ୍‌ରେ କହିଛନ୍ତି। ଏହାର ଏକ ଅଡ଼ିଓ ରେକଡିଂ ଗଣମାଧ୍ୟମକୁ ହସ୍ତାନ୍ତର କରିଛନ୍ତି ସଲିମ ଖାନ୍‌।

ଏହି ଅଡ଼ିଓ ଟେପ୍‌ରେ ଦେବାଶିଷ ସଲିମ ଖାନଙ୍କୁ ଧମକ ମଧ୍ୟ ଦେଇଥିଲେ। ଦେବାଶିଷ କହିଥିଲେ ବୈଜୟନ୍ତଙ୍କ ପାଇଁ ଆଗକୁ ବାହାରିଲେ ତମ ଉପରେ ଆଟାକ୍ ହେବ ଓ ହଇରାଣ ହରକତ କରିବେ। ପ୍ରଣବ ପ୍ରକାଶ ଦାସ କହିଛନ୍ତି ବୈଜୟନ୍ତଙ୍କ କ୍ୟାମ୍ପ ଛାଡ଼ିବାକୁ ନେଇ ଇମିଡିଏଟ୍ ଡିସିସନ୍ ନିଅ। ପ୍ରଣବ ପ୍ରକାଶ ଦାସ ଆମକୁ ଫୁଲ୍ ଆସ୍ୟୁରାନ୍ସ ଦେଇଛନ୍ତି ଆମ କଥା ସେ ବୁଝିବେ ବୋଲି। ବୈଜୟନ୍ତଙ୍କୁ ଇଙ୍ଗିତ କରି ଦେବାଶିଷ କହିଥିଲେ ୟାକୁ ଟେନସନ୍ ଦେଲେ ଆମର ଇଂପୋଟାନ୍ସ ରହିବ। ନବୀନ ବାବୁଙ୍କ ସ୍ୱାସ୍ଥ୍ୟ ସମ୍ପର୍କରେ ମଧ୍ୟ ଫୋନରେ କହିବାକୁ ପଛାଇନଥିଲେ ଦେବାଶିଷ। ସେହିପରି ବିଜେଡି ବିଜେପିର ଡିଲ୍ ହୋଇଯାଇଛି ତାଙ୍କୁ କର୍ପୋରେସନ ସୁଯୋଗ ମିଳିବ ବୋଲି ଦେବାଶିଷ ପ୍ରଲୋଭିତ କରିଥିବା ନେଇ ସଲିମ୍ ଅଡିଓ ଟେପ୍ ମାଧ୍ୟମରେ ଖୁଲାସା କରିଛନ୍ତି।

ସଲିମ୍ କହିଛନ୍ତି ଯେ, ମୋର ଉଦ୍ଦେଶ୍ୟ ଦଳର ନେତା ନବୀନ ବାବୁ ଏହି ସାଙ୍ଘାତିକ ଷଡ଼ଯନ୍ତ୍ରକୁ ବୁଝନ୍ତୁ ଓ ଦଳକୁ ଷଡ଼ଯନ୍ତ୍ରଙ୍କକାରୀଙ୍କଠୁ ବଞ୍ଚାନ୍ତୁ। ଏପରିକି ତାଙ୍କୁ ଧମକ ଦିଆଯାଇଥିବାରୁ ତାଙ୍କୁ ଓ ତାଙ୍କ ପରିବାରକୁ ସୁରକ୍ଷା ଦେବା ଲାଗି ସେ ମୁଖ୍ୟମନ୍ତ୍ରୀଙ୍କୁ ଅପିଲ୍ କରିଛନ୍ତି।