ପୁଣି କାନ୍ଧରେ ବୁହା ହେଲେ ରୋଗୀ

<p>କଲ୍ୟାଣସିଂପୁର: ରାୟଗଡ଼ା ଜିଲ୍ଲା କଲ୍ୟାଣସିଂପୁରରେ ପୁଣି କାନ୍ଧରେ ବୁହା ହେଲେ ରୋଗୀ। ଗାଁକୁ ରାସ୍ତା ନ ଥିବାରୁ ରୋଗୀଙ୍କୁ ୧୦ କିଲୋମିଟର ରାସ୍ତା କାନ୍ଧରେ ବୋହି ନେଲେ ସମ୍ପର୍କୀୟ। ପରେ ପାରସାଲିରୁ ଏକ ଅଟୋରେ ତାଙ୍କୁ କଲ୍ୟାଣସିଂହପୁର ଡାକ୍ତରଖାନାକୁ ନେଇଥିଲେ । ଏବେ ତାଙ୍କ ଅବସ୍ଥା ଗୁରୁତର ରହିଛି।</p> <p>ଗତକାଲି କଲ୍ୟାଣସିଂପୁରର କେଲିଟିପଦର ଗାଁର ସିକକା ଲାଙ୍ଗୁଡ଼ି ନାମକ ଜଣେ ମହିଳାଙ୍କ ଦେହ ଖରାପ ହୋଇଥିଲା। ଗାଁକୁ ଭଲ ରାସ୍ତା ନ ଥିବାରୁ ଆମ୍ବୁଲାନ୍ସ ଆସିବା ସମ୍ଭବ ନ ଥିଲା। ବାଧ୍ୟ ହୋଇ ପରିବାର ଲୋକେ ୧୦ କିଲୋମିଟର ଭାରରେ ତାଙ୍କୁ&nbsp; ପାରସାଲି ଯାଏଁ ଆଣିଥିଲେ। ପରେ ପାରସାଲିରୁ ଏକ ଅଟୋରେ ସିକକାଙ୍କୁ କଲ୍ୟାଣସିଂହପୁର ଡାକ୍ତରଖାନାକୁ ନିଆଯାଇଥିଲା।</p> <p>ସେପ୍ଟେମ୍ବର ୮ତାରିଖରେ ଏ ଅଞ୍ଚଳ ପାଇଁ ଏକ ବାଇକ୍&nbsp; ଆମ୍ବୁଲାନ୍ସ ଦିଆଯାଇଛି। କିନ୍ତୁ ବର୍ତ୍ତମାନ ଯାଏ ତାହାର ଉପଯୋଗ ହୋଇ ପାରି ନ ଥିବାରୁ ରୋଗୀଙ୍କୁ&nbsp; କାନ୍ଧରେ ବୁହାଯିବାର ଘଟଣାର ପୁନରାବୃତ୍ତି ଘଟିଛି।</p>