ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡିଶା ରିପୋର୍ଟର): ମନ୍ତ୍ରୀ ନା ପ୍ରଶାସକ ? କାହା ହୁକୁମରେ ଚାଲେ ନବୀନ ସରକାର? ଅନେକ ସମୟରେ ଅଭିଯୋଗ ଆସେ ନବୀନ ସରକାରରେ ମନ୍ତ୍ରୀ ନୁହଁନ୍ତି ସବୁ ନିଷ୍ପତ୍ତି ନିଅନ୍ତି ଅଫିସର। ମନ୍ତ୍ରୀଙ୍କ ନିର୍ଦ୍ଦେଶକୁ ବି ନାଲିଫିତା ତଳେ ଚାପି ରଖିବାର କ୍ଷମିତା ରହିଛି ତାଙ୍କର। ତା ହେଲେ ଏ କଥା କେତେ ସତ, କେତେ ମିଛ ସେ ସମ୍ପର୍କରେ କହିବା କାଠିକର ପାଠ।</p> <p>କିନ୍ତୁ ଏମତି ଏକ ସଙ୍ଗୀନ ଅଭିଯୋଗର ଦସ୍ତାବିଜ ଲାଗିଛି ଓଟିଭି ହାତରେ । ମନ୍ତ୍ରୀମଣ୍ଡଳରୁ ବିଦା ହେବାର ସପ୍ତାହେ ପୂର୍ବରୁ କୃଷିମନ୍ତ୍ରୀ ଦାମୋଦର ରାଉତ ନିଜ ସଚିବଙ୍କୁ ଲେଖିଥିବା ଏକ ନୋଟ୍ ସିଟ୍‌ ରାଜ୍ୟରେ ଅଫିସର ରାଜ୍‌ର ଗୁମରକୁ ପଦାରେ ପକାଇ ଦେଇଛି । ଜଣେ ସହକାରୀ କୃଷି ଅଧିକାରୀଙ୍କୁ ନ୍ୟାୟ ଦେବାକୁ ତତ୍କାଳୀନ ମନ୍ତ୍ରୀ ରାଉତ ବିଭାଗୀୟ ସଚିବଙ୍କୁ ଚିଠି କରିଥିଲେ। ଏପରିକି ନିଜ ଚିଠିରେ ହାଇକୋର୍ଟଙ୍କ ଆଦେଶର ଅନୁପାଳନ କରିବା ପାଇଁ ବିଭାଗୀୟ ସଚିବଙ୍କୁ ସେ ନିର୍ଦ୍ଦେଶ ଦେଇଥିଲେ। ହେଲେ ଏହାର ଅନୁପାଳନ ହୋଇ ନ ଥିଲା।</p> <p>୨୨-୧୨-୨୦୧୭ରେ ବିବାଦୀୟ ମନ୍ତବ୍ୟ ପାଇଁ ମନ୍ତ୍ରୀ ମଣ୍ଡଳରୁ ବିଦା ହୁଅନ୍ତି କୃଷି ମନ୍ତ୍ରୀ ଦାମୋଦର ରାଉତ। ୧୫-୧୨-୨୦୧୭ ଅର୍ଥାତ୍ ବିଦା ହେବାର ସପ୍ତାହକ ପୂର୍ବରୁ ନିଜ ସଚିବଙ୍କୁ ମନ୍ତ୍ରୀ ରାଉତ ଚିଠିଟିଏ ଲେଖିଥିଲେ। ଯେଉଁଥିରେ ସେ ସ୍ପଷ୍ଟ ଭାବେ ଉଲ୍ଲେଖ କରିଥିଲେ କି, ସରକାରଙ୍କ ଆଦେଶର ଅନୁପାଳନ ହେଉ। ପୂର୍ବରୁ ଏ ପ୍ରସଙ୍ଗରେ ହାଇକୋର୍ଟଙ୍କ ନିର୍ଦ୍ଦେଶ ମଧ୍ୟ ଆସିଥିଲେ ହେଁ ବିଭାଗୀୟ ସଚିବ ଏହାକୁ ଅଣଦେଖା କରିଥିବା କଥା ମଧ୍ୟ ସେ ଉଲ୍ଲେଖ କରିଥିଲେ।</p> <p><strong>ପୁରା ଘଟଣା ହେଉଛି ଏମିତି-</strong> ଉଦ୍ୟାନ କୃଷିବିଭାଗରେ ସହକାରୀ ନିର୍ଦ୍ଦେଶକ ଭାବେ କାମ କରନ୍ତି ଅଶୋକ କୁମାର ସେଠୀ । ମନ୍ତ୍ରୀ ରାଉତ ଲେଖିଥିବା ନୋଟ ସିଟ୍ ଅନୁସାରେ ବିଭାଗର ଭୁଲ ନିର୍ଦ୍ଦେଶ ଯୋଗୁଁ ଅଶୋକ ୫ ବର୍ଷ ହେବ ବିନା ଦରମାରେ ଛୁଟିରେ ଥିଲେ । ୨୦୦୮ ମେ ୩୦ରେ ଅଶୋକଙ୍କୁ ପଦୋନ୍ନତି ଦେଇଥିଲେ ସରକାର। କିନ୍ତୁ ବର୍ଷେ ତିନିମାସ ପରେ ୨୦୦୯ ଜୁଲାଇ ୨୩ରେ ହଠାତ୍‌ ତାଙ୍କର ପଦ ଅବନତି ହେଲା। ସରକାରଙ୍କ ଏ ନିର୍ଦ୍ଦେଶ ବିରୋଧରେ ପ୍ରଥମେ ଟ୍ରିବୁନାଲ ଓ ପରେ ହାଇକୋର୍ଟରେ ଅପିଲ କରିଥିଲେ ଅଶୋକ। ତାଙ୍କ ସପକ୍ଷରେ ଉଭୟ ଟ୍ରିବୁନାଲ ଓ ହାଇକୋର୍ଟ ନିର୍ଦ୍ଦେଶ ଦେଲେ । ତେବେ ଏହାକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟରେ ମାମଲା ଦାୟର କରଥିଲେ ରାଜ୍ୟ ସରକାର। ସୁପ୍ରିମକୋର୍ଟ ଏହା ଉପରେ ସ୍ଥଗିତାଦେଶ ଦେଇ ନ ଥିଲେ ବି ସରକାର ହାଇକୋର୍ଟଙ୍କ ନିର୍ଦ୍ଦେଶକୁ ପାଳନ କରି ନ ଥିଲେ। ମାମଲାର ସମାଧାନ କରିବା ସହ ଆଇନ ବିଭାଗର ପରାମର୍ଶ ନେଇ ପୁଣିଥରେ ଫାଇଲ ପଠାଇବାକୁ ମୁଖ୍ୟମନ୍ତ୍ରୀ କହିଥିବା ଦାମ ନୋଟ୍‌ ସିଟ୍‌ରେ ଲେଖିଛନ୍ତି । ତେଣୁ ହାଇକୋର୍ଟଙ୍କ ନିର୍ଦ୍ଦେଶକୁ ତୁରନ୍ତ ପାଳନ କରିବାକୁ ବିଭାଗକୁ ନିର୍ଦେଶ ଦେଇଥିଲେ ସେତେବଳର କୃଷିମନ୍ତ୍ରୀ ଦାମୋଦର ରାଉତ । କିନ୍ତୁ ବିଡମ୍ବନା ତାହା ବି କାଯର୍ୟକାରି ହେଲାନି ଏବଂ ବିଭାଗ ମୁଖ୍ୟମନ୍ତ୍ରୀଙ୍କ ପାଖକୁ ଫାଇଲ ପଠାଇଲା ନାହିଁ ବୋଲି ଜଣାପଡିଛି।</p> <p>କୃଷି ବିଭାଗର ଏଇ ଉଦାହରଣ ରାଜ୍ୟ ଶାସନରେ ଅଫିସର ରାଜ୍‌କୁ ସ୍ପଷ୍ଟ ସୂଚାଉ ଥିବା ବେଳେ ବର୍ତ୍ତମାନର କୃଷିମନ୍ତ୍ରୀ କୌଣସି ପ୍ରତିକ୍ରିୟା ଦେବାକୁ ମନା କରି ଦେଇଛନ୍ତି। ଏଣେ ବିଜେଡି ମୁଖପାତ୍ର ଅମର ପ୍ରସାଦ ଶତପଥୀ କହିଛନ୍ତି ଯେ, ସରକାରୀ ଅଫିସର ମନ୍ତ୍ରୀଙ୍କ ନିର୍ଦ୍ଦେଶ ମାନିବା ଉଚିତ୍।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
