ଆଠଗଡ଼(ନୀଳ କଣ୍ଠ ଦୋରା): ଆସନ୍ତା ବଡ଼ଓଷା ପାଇଁ ଏକ ପ୍ରସ୍ତୁତି ବୈଠକ କଟକ ଜିଲ୍ଲାପାଳ ଭବାନୀ ଶଙ୍କର ଚୟନୀଙ୍କ ଅଧ୍ୟକ୍ଷତାରେ ଧବଳେଶ୍ଵର ପୀଠରେ ଅନୁଷ୍ଠିତ ହୋଇଯାଇଛି। ପଞ୍ଚକ ବ୍ରତ ଆସନ୍ତା ୮ ଠାରୁ ଆରମ୍ଭ ହୋଇ ୧୨ ତାରିଖ ପର୍ଯ୍ୟନ୍ତ ଚାଲିବ। ଏହି ସ୍ଵତନ୍ତ୍ର ବୈଠକ ରେ ସ୍ଵାସ୍ଥ୍ୟ,ପରିମଳ, ଟ୍ରାଫିକ ଓ ସୁରକ୍ଷା ବ୍ୟବସ୍ଥା ଉପରେ ଗୁରୁତ୍ୱ ଦିଆଯାଇଛି।
ଏ ବର୍ଷ ଝୁଲାପୋଲର ମାହାସୁଲ ପାଞ୍ଚ ଟଙ୍କାକୁ ବୃଦ୍ଧି କରାଯାଇଥିବା ବେଳେ ମଞ୍ଚେଶ୍ଵର ପଟୁ ଡଙ୍ଗା ଭଡ଼ା କୋଡ଼ିଏ ଟଙ୍କା ଅପରିବର୍ତ୍ତିତ ରହିଛି। ସୁରକ୍ଷା ବ୍ୟବସ୍ଥା କଡାକଡି କରାଯିବା ପାଇଁ ୨୦ ପ୍ଲାଟୁନ ଫୋର୍ସ ସହିତ ତିନି ଜଣ ଆଡିସନାଲ ଏସ୍ପି, ଚବିଶ ଜଣ ଇନ୍ସପେକ୍ଟର ଓ ୮୧ ଜଣ ସବ୍ ଇନ୍ସପେକ୍ଟର ମୁତୟନ ହେବେ।
ପଞ୍ଚୁକ ପାଞ୍ଚ ଦିନ ମଧ୍ୟରୁ ତିନି ଦିନ ବଡ଼ସିଂହାର ବେଶ ହେବାକୁ ଥିବା ବେଳେ ବଡ଼ଓଷା ଦିନ ହରିହର ବେଶ ଓ କାର୍ତ୍ତିକ ପୂର୍ଣ୍ଣିମା ଦିନ ଯୋଗୀ ବେଶରେ ମହାପ୍ରଭୁ ଧବଳେଶ୍ୱର ଭକ୍ତ ଓ ଶ୍ରଦ୍ଧାଳୁମାନଙ୍କୁ ଦର୍ଶନ ଦେବେ ବୋଲି ଜଣାପଡିଛି।