କୋଇଲି ବୈକୁଣ୍ଠରେ ପୋତାଗଲା ଅମୁଣିଆ ପ୍ରସାଦ

<p>ପୁରୀ (ଓଡ଼ିଶା ରିପୋର୍ଟର): କୋଇଲି ବୈକୁଣ୍ଠରେ ପୋତାଗଲା ଶ୍ରୀମନ୍ଦିର ରୋଷଘରୁ ବାହାରିଥିବା ଅମୁଣିଆ। ଧୋ-ପଖାଳ ସେବାୟତଙ୍କ ଦ୍ୱାରା ଅମୁଣିଆ ବାହାର କରାଗଲା। ରୋଷ ଘର ଶୋଧ ପରେ ରୋଷ ହୋମ କରାଯିବାର କାର୍ଯ୍ୟକ୍ରମ ରହିଛି। ଅମୁଣିଆ କୋଇଲି ବୈକୁଣ୍ଠରେ ପୋତାଯିବା ପରେ ରୋଷହୋମ, ପରେ ଗୋପାଳ ବଲ୍ଲଭ ଓ ସକାଳଧୂପ ନୀତି ହେବ। ତେବେ ଆଜିବି ଭକ୍ତଙ୍କୁ ମହାପ୍ରସାଦ ମିଳିବା ନେଇ ଅନିଶ୍ଚିତତା ଦେଖାଦେଇଛି। ଏହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି କାଳିଆ ଠାକୁରଙ୍କ ଭକ୍ତଗଣ। ଦୂରଦୂରାନ୍ତୁ ଆସି ମହପ୍ରସାଦ ନପାଇ ଭକ୍ତ ବେଶ ଦୁଃଖ ପ୍ରକାଶ କରିବା ସହ ଏଭଳ ଅବ୍ୟବସ୍ଥାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି।</p><p>&lt;a href=&quot;&quot;&gt;(image) &lt;/a&gt;ମହାପ୍ରସାଦ ନଷ୍ଟ ହେବା ଯୋଗୁଁ ହୋଇଥିବା କ୍ଷତିପୂରଣ ଦାବିରେ ସୁଆର-ମହାସୁଆର ନିଯୋଗ ସେବାୟତମାନେ ଏମାର ମଠ ସାମ୍ନାରେ ଧାରଣାରେ ବସିଛନ୍ତି।&nbsp; ସ୍ଥିତି ଅନୁଧ୍ୟାନ ପାଇଁ ଶ୍ରୀମନ୍ଦିରକୁ ମୁଖ୍ୟ ପ୍ରଶାସକ, ପୁରୀ ଜିଲ୍ଲାପାଳ ଓ ଏସ୍&zwnj;ପି ଶ୍ରୀମନ୍ଦିର ଭିତରକୁ ଯାଇ ତଦାରଖ କରିଛନ୍ତି। ଭୋଗମଣ୍ଡପ ବିଳମ୍ବ ଯୋଗୁଁ କାଲି ମହାପ୍ରସାଦ ବାହାରି ପାରିନଥିଲା। ପ୍ରାୟ ୫୦ ଲକ୍ଷ ଟଙ୍କାର ମହାପ୍ରସାଦ ନଷ୍ଟ ହୋଇଥିବା କୁହାଯାଉଛି।</p><p>ଏପଟେ ନୀତି ଶୃଙ୍ଖଳିତ କରିବାକୁ ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟରେ ବୈଠକ ବସିଥିଲା। ଶ୍ରୀମନ୍ଦିର ମୁଖ୍ୟ ପ୍ରଶାସକ, ଜିଲ୍ଲାପାଳ ଓ ଅନ୍ୟ କିଛି ନିଯୋଗର ପ୍ରତିନିଧି ବୈଠକରେ ଆଲୋଚନା କରିଥିଲେ।</p><p>&lt;a href=&quot;http://odishareporter.in/wp-content/uploads/2018/04/puri-jagannath-temple.jpg&quot;&gt;(image) &lt;/a&gt;ଗତକାଲି ଅନିଦ୍ରାରେ ରାତି ବିତାଇଲେ ବ୍ରହ୍ମାଣ୍ଡ କର୍ତ୍ତା। ରାତିରେ ଉପବାସରେ ରହିଲେ ବ୍ୟଞ୍ଜନପ୍ରିୟ କାଳିଆ ଠାକୁରଙ୍କର। ଗତକାଲି ସକାଳଧୂପ ନୀତି ଠାରୁ ନୀତିକାନ୍ତି ବଢିନଥିଲା। ଆଉ ଆଜି ଦୀର୍ଘ ୧ଘଣ୍ଟା ପରେ ୬ଟା ୫୫ ମିନିଟରେ ଆରମ୍ଭ ହେଲା ମଙ୍ଗଳାଆରତୀ। ପରେ ଅବକାଶ ନୀତି କରାଯାଇଥିଲା।</p><p>ଅନ୍ୟପକ୍ଷରେ ଶ୍ରୀମନ୍ଦିର ତାତି ଆଜି ବିଧାନସଭାରେ ସେଖିବାକୁ ମିଳିଥିଲା। ଶ୍ରୀମନ୍ଦିର ନୀତି ବିଭ୍ରାଟ ପ୍ରସଙ୍ଗକୁ ନେଇ ସରକାରଙ୍କୁ ଘେରିଛନ୍ତି ବିରୋଧୀ। ବିଧାନସଭା ଆରମ୍ଭରୁ ଏହି ପ୍ରସଙ୍ଗରେ ଗୃହର ମଧ୍ୟ ଭାଗକୁ ଆସି ବିଜେପି ଓ କଂଗ୍ରେସ ସଦସ୍ୟମାନେ ହଟ୍ଟଗୋଳ କରିଥିଲେ। ଗୋଟିଏ ପଟେ କୋଟିକୋଟି ଓଡ଼ିଆଙ୍କ ଆରାଧ୍ୟ ଦେବତା ଉପବାସରେ ଅଛନ୍ତି ଆଉ ଅନ୍ୟପଟେ ସରକାର ସବୁ ଜାଣି ଚୁପ ବସିଛନ୍ତି ବୋଲି ଅଭିଯୋଗ କରିଛନ୍ତି ବିରୋଧୀ ସଦସ୍ୟ।</p><p>https://youtu.be/HYul5kj6blw</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।