ଫୁଲବାଣୀ (ତ୍ରିନାଥ ସାହୁ): ଆଜି କନ୍ଧମାଳ ଜିଲ୍ଲାରୁ ୭ ଜଣ ‘କରୋନା’ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେଥିରେ ରାଇକିଆ ଥାନାର ଜଣେ ASI ଅଛନ୍ତି। ASI ଜଣକ ‘କରୋନା’ ପଜିଟିଭ ଚିହ୍ନଟ ହେବା ପରେ ଥାନାର ସବୁ କର୍ମଚାରୀଙ୍କ ଆଣ୍ଟିଜେନ୍ ଟେଷ୍ଟ କରାଯାଇଛି। ଏଥିସହ ସମଙ୍କୁ ଘରେ ସଙ୍ଗରୋଧରେ ରହିବାକୁ ପରାମର୍ଶ ଦିଆଯାଇଛି। ଏ ନେଇ ସୂଚନା ଦେଇଛନ୍ତି ଜି.ଉଦୟଗିରି SDPO ଜୟକୃଷ୍ଣ ପ୍ରଧାନ କହିଛନ୍ତି।
ଆକ୍ରାନ୍ତ ଏଏସ୍ଆଇଙ୍କୁ ଚିକିତ୍ସା ପାଇଁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ପ୍ରତିଷ୍ଠା ହୋଇଥିବା କୋଭିଡ୍ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି। ଥାନାରେ କାର୍ଯ୍ୟରତ ୨୫ କର୍ମଚାରୀଙ୍କ ‘କରୋନା’ ଟେଷ୍ଟ ସହିତ ଥାନାକୁ ସମ୍ପୂର୍ଣ ବିଶୋଧନ କରାଯାଉଛି। ‘କରୋନା’ ପାଇଁ ବର୍ତ୍ତମାନ ଥାନାରେ ଏକ ପ୍ରକାର ଅଚଳାବସ୍ଥା ଲାଗି ରହିଛି।