ରାୟଗଡ଼ା: ରାୟଗଡ଼ା ଜିଲ୍ଲା ଅମ୍ୱାଦଳା ଥାନା ଅନ୍ତର୍ଗତ ଜଗଦଲପୁର ଗାଁର ବିଭିନ୍ନ ସ୍ଥାନରେ ଆଜି ସକାଳେ ମାଓ ପୋଷ୍ଟର ଦେଖିବାକୁ ମିଳିଛି। ପୋଷ୍ଟରରେ ବହୁ ରାଷ୍ଟ୍ରୀୟ କମ୍ପାନୀକୁ ବିରୋଧ କରାଯିବା ସହ ଜଳ, ଜଙ୍ଗଲ ଓ ଜମିର ସୁରକ୍ଷା କରିବାକୁ ମାଓବାଦୀମାନେ ଆହ୍ୱାନ ଦେଇଛନ୍ତି। ବେଦାନ୍ତ କମ୍ପାନୀ ଓ କଳାହାଣ୍ଡିରେ ବେଦାନ୍ତ ସହଯୋଗରେ ନିର୍ମାଣ ହେବାକୁ ଥିବା ମେଡିକାଲ କଲେଜକୁ ମାଓ ସଙ୍ଗଠନ ବିରୋଧ କରିଛି।
ସିପିଆଇ ମାଓବାଦୀ, ବଂଶଧାରା-ଘୁମୁସର ନାଗାବଳୀ ଡିଭିଜନାଲ କମିଟି ପକ୍ଷରୁ ଏହି ପୋଷ୍ଟର ଲଗାଯାଇଛି।
ପୋଲିସ୍ ପୋଷ୍ଟର ଗୁଡ଼ିକୁ ଜବତ କରି ତଦନ୍ତ ଜାରି ରଖିଛି।