ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜ୍ୟରେ ଶିଶୁ ଓ ନାବାଳିକାଙ୍କ ପ୍ରତି ଯୌନ ନିର୍ଯାତନା ପ୍ରସଙ୍ଗରେ ଡିଜିପିଙ୍କ ପ୍ରେସମିଟ୍‌କୁ ନେଇ ସରକାରଙ୍କୁ ବିରୋଧୀଙ୍କୁ ଟାର୍ଗେଟ କରିଛନ୍ତି। ଏହି ପ୍ରସଙ୍ଗରେ ଗୃହରେ ଉତ୍ତର ରଖିବା ଲାଗି ମୁଖ୍ୟମନ୍ତ୍ରୀଙ୍କର ସାହସ ନଥିବା ବେଳେ ଡିଜିପିଙ୍କ ଦ୍ୱାରା ସରକାର ନିଜ କଥା କୁହାଇଛନ୍ତି ବୋଲି ବିରୋଧୀ ଅଭିଯୋଗ ଆଣିଛନ୍ତି। ଓଡ଼ିଶାରେ ଘଟୁଥିବା ଗୋଟିକ ପରେ ଗୋଟିଏ ଶିଶୁ ଯୌନ ଉତ୍ପୀଡ଼ନ ଘଟଣା ଜାତୀୟ ଗଣମାଧ୍ୟମରେ ଆସିବା ପରେ ଛବି ସୁଧାରିବାକୁ ସରକାର ଏପରି କରିଥିବା ବିରୋଧୀ କହିଛନ୍ତି।</p> <p>ବିରୋଧୀ ଦଳ ମୁଖ୍ୟ ସଚେତକ ତାରା ପ୍ରସାଦ ବାହିନୀପତି କହିଛନ୍ତି-“ପ୍ରତିଦିନ ରାଜ୍ୟରେ ୬ ଜଣ ନାବାଳିକା ଦୁଷ୍କର୍ମରେ ଶିକାର ହେଉଛନ୍ତି। ସେଥିରୁ ୬ ଜଣ ବର୍ଷକୁ ଦଣ୍ଡ ପାଉଛନ୍ତି। ଏନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା ଓ ଆଲୋଚନା ହେବା ପରେ ମୁଖ୍ୟମନ୍ତ୍ରୀ ବିବ୍ରତ ହୋଇ ପୋଲିସ ଡିଜିଙ୍କ ଦ୍ୱାରା ଏହା ନିର୍ଦ୍ଦେଶ ଦେଇଛନ୍ତି।”</p> <p>ବିଜେପି ବିଧାୟକ ପ୍ରଦୀପ ପୁରୋହିତ କହିଛନ୍ତି-“ରାଜ୍ୟରେ ନାବାଳିକାଙ୍କ ପ୍ରତି ଅତ୍ୟାଚାର ବୃଦ୍ଧି ପାଇଛି। ଏନେଇ ଜାତୀୟ ଗଣମାଧ୍ୟମରେ ଆଲୋଚନା ହେଲା। ବିଧାନସଭାରେ ଆମେ ମୁଖ୍ୟମନ୍ତ୍ରୀଙ୍କଠାରୁ ଉତ୍ତର ଚାହିଁଥିଲୁ। ମାତ୍ର ମୁଖ୍ୟମନ୍ତ୍ରୀ ଏହାର ଉତ୍ତର ଦେବା ପରିବର୍ତ୍ତେ ନିଜର ଦୋଷ ଓ ଦୁର୍ବଳତା ଘୋଡ଼ାଇବା ପାଇଁ ପୋଲିସ ଡିଜିଙ୍କ ଦ୍ୱାରା କୁହାଇଛନ୍ତି।”</p> <p>ବିଜେଡି ମୁଖପାତ୍ର ସମୀର ଦାଶ କହିଛନ୍ତି-“ଆସନ୍ତାକାଲି ଗୃହ ବିଭାଗର ଖର୍ଚ୍ଚ ଆଲୋଚନା ହେବ। ତେଣୁ ବିରୋଧୀଙ୍କ ସବୁ ପ୍ରଶ୍ନର ଉତ୍ତର ମୁଖ୍ୟମନ୍ତ୍ରୀ ଦେବେ।”</p> <p>ରାଜ୍ୟରେ ଘଟୁଥିବା ଶିଶୁ ଯୌନ ନିର୍ଯାତନା ମାମଲାଗୁଡ଼ିକରୁ ଅଧିକାଂଶ କ୍ଷେତ୍ରରେ ପରିବାର ଲୋକ ଓ ନିକଟ ସଂପର୍କୀୟ ସଂପୃକ୍ତ ଥିବା ଡିଜିପି କହିଥିଲେ। ସେହିପରି ଅଧିକାଂଶ ମାମଲାର ଅଭିଯୁକ୍ତଙ୍କୁ ତୁରନ୍ତ ଗିରଫ କରାଯାଇଥିବା ସେ ସୂଚନା ଦେଇଥିଲେ। ତେବେ ଏହା ବି ସ୍ୱୀକାର କରିଥିଲେ ଯେ ଦୁଷ୍କର୍ମ ମାମଲାଗୁଡ଼ିକରେ ଦୋଷୀସାବ୍ୟସ୍ତ ହାର ୩୮.୫ ପ୍ରତିଶତ ହିଁ ରହିଛି ବୋଲି ପୋଲିସ ଡିଜି ଡାକ୍ତର ରାଜେନ୍ଦ୍ର ପ୍ରସାଦ ଶର୍ମା କହିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
