ନବୀନଙ୍କ ବୁକ୍‌ ପଲିଟିକ୍ସ: ପିତାଙ୍କ ପଥରେ ପୁଅ!

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବୁକ୍ ପଲିଟିକ୍ସ। ବିଜୁବାବୁଙ୍କ ଜୀବନୀ ଉପରେ ଆଧାରିତ ପୁସ୍ତକ &lsquo;ଦି ଟଲ୍ ମ୍ୟାନ୍- ବିଜୁ ପଟ୍ଟନାୟକ&rsquo; ଉନ୍ମୋଚନ ଉତ୍ସବରେ ଭୁବନେଶ୍ୱରରେ ଏକାଠି ହେଲେ ଜାତୀୟସ୍ତରର ହେଭିୱେଟ ନେତା। ତେବେ ବିଭିନ୍ନ ଦଳର ଏହି ତୁଙ୍ଗ ନେତାଙ୍କୁ ନିଜ ରାଜ୍ୟକୁ ଡାକି କି ବାର୍ତ୍ତା ଦେବାକୁ ଚାହୁଁଛନ୍ତି ନବୀନ? ଜାତୀୟ ସମୀକରଣର ଏହା ମୂଳଦୁଆ ନୁହେଁ ତ? ଏମିତି କିଛି ଆଲୋଚନା ଏବେ ଲାଗି ରହିଛି।</p> <p>ଆଜି ମଧ୍ୟାହ୍ନରେ ନବୀନ ନିବାସରେ ଲଞ୍ଚ କରୁଛନ୍ତି ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ, ପୂର୍ବତନ ପ୍ରଧାନମନ୍ତ୍ରୀ ଏଚ୍.ଡି. ଦେବେଗୌଡ଼ା, ପୂର୍ବତନ ଉପପ୍ରଧାନମନ୍ତ୍ରୀ ତଥା ବିଜେପିର ବରିଷ୍ଠ ନେତା ଲାଲକୃଷ୍ଣ ଆଡଭାନୀ ଓ ସିପିଏମ୍ ମହାସଚିବ ସୀତାରାମ ୟେଚୁରୀ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଡାଇନିଂ ଟେବୁଲ୍&zwnj;ରେ ବସିଛନ୍ତି ଜାତୀୟସ୍ତରର ଏହି ହେଭିୱେଟ ନେତାମାନେ।</p> <p>&lsquo;ଦି ଟଲ୍ ମ୍ୟାନ୍-ବିଜୁ ପଟ୍ଟନାୟକ&rsquo; ପୁସ୍ତକର ଉନ୍ମୋଚନ ପାଇଁ ଏହି ନେତାଗଣ ଭୁବନେଶ୍ୱର ପହଞ୍ଚିବା ପରେ ନବୀନ ନିଜେ ଯାଇ ଏୟାରପୋର୍ଟରେ ସ୍ୱାଗତ କରିଛନ୍ତି। ପରେ ସେମାନଙ୍କୁ ପାଛୋଟି ଆଣିଥିଲେ ନବୀନ ନିବାଶକୁ। ସମସ୍ତେ ପାଖାପାଖି ୪୦ ମିନିଟ୍ ଧରି ନବୀନ ନିବାସରେ ରହିଥିଲେ। ଚାରି ଟପ୍ ଲିଡ଼ର ବିଭିନ୍ନ ବିଷୟରେ ନବୀନଙ୍କ ସହ କରିଥିଲେ ଆଲୋଚନା।</p> <p>ପ୍ରବାଦ ପୁରୁଷ ବିଜୁ ବାବୁଙ୍କ ଉପରେ ପୁସ୍ତକ ଉନ୍ମୋଚନ ଉତ୍ସବରେ ଦେଶର ଏହି ହେଭିୱେଟ ନେତାଙ୍କୁ ଡାକି କି ବାର୍ତ୍ତା ଦେବାକୁ ଚାହୁଛନ୍ତି ନବୀନ? ଜାତୀୟ ସ୍ତରରେ ନବୀନଙ୍କ ନେତୃତ୍ୱରେ ଆଗକୁ କିଛି ନୂଆ ସମୀକରଣର ସୂତ୍ରପାତ ହେବାକୁ ଯାଉଛି କି? &nbsp;ନା ଏହି କାର୍ଯ୍ୟକ୍ରମ ମାଧ୍ୟମରେ ସର୍ବ ଭାରତୀୟସ୍ତରରେ ନିଜର ଦବ୍&zwnj;ଦବା ରହିଛି ବୋଲି ବାର୍ତ୍ତା ଦେବାକୁ ଚାହୁଁଛନ୍ତି ନବୀନ? ନବେ ଦଶକରେ ବିଜୁ ପଟ୍ଟନାୟକ ଠିକ୍ ଏଭଳି ଜନତା ପରିବାର ନେତାଙ୍କୁ ଏକାଠି କରିଥିଲେ। ଆଉ ତୃତୀୟ ସାମ୍ମୁଖ୍ୟ ଗଠନରେ ପ୍ରମୁଖ ଭୂମିକା ନେଇଥିଲେ। ସେହି ଢାଞ୍ଚାରେ ନିଜ ବାପାଙ୍କ ପଦାଙ୍କ ଅନୁସରଣ କରୁଛନ୍ତି କି ନବୀନ? ତେବେ ନବୀନ ପାଦେ ଆଗକୁ ଯାଇ, ପୁସ୍ତକ ଉନ୍ମୋଚନକୁ କେବଳ ଜନତା ପରିବାର ନୁହଁ ବରଂ କଂଗ୍ରେସ ଓ ବିଜେପି ନେତାଙ୍କୁ ବି ନିମନ୍ତ୍ରଣ କରିଛନ୍ତି। ତେଣୁ ଏହି ଉତ୍ସବ ଏକ ନୂଆ ଜାତୀୟ ସମୀକରଣ ସୃଷ୍ଟି କରିବାରେ ପ୍ରମୁଖ ଭୂମିକା ନେବ ବୋଲି ଚର୍ଚ୍ଚା ହେଉଛି।</p>