ବାଲେଶ୍ୱର(ଶଶୀକାନ୍ତି ବେହେରା): ବାଲେଶ୍ୱର ଜିଲ୍ଲା ସୋର ଅଞ୍ଚଳରେ ଏକ ଅଭାବନୀୟ କାଣ୍ଡ ଘଟିଛି। ବାପ ପୁଅଙ୍କ ମଧ୍ୟରେ ହୋଇଥିବା ସାମାନ୍ୟ ବଚସାରୁ ବାପାଙ୍କ ଜୀବନ ଗଲା। ଉତ୍ତ୍ୟକ୍ତ ପୁଅର ଭୁଜାଲି ଚୋଟରେ ଘଟଣାସ୍ଥଳରେ ହିଁ ଆଖି ବୁଜିଲେ ବାପା। ମୃତକ ହେଲେ ଜୟକୃଷ୍ଣ ମଲ୍ଲିକ। ଅଭିଯୁକ୍ତ ପୁଅ ଶରତ ମଲ୍ଲିକ ହତ୍ୟାକାଣ୍ଡ ଘଟାଇ ଫେରାର ହୋଇଯାଇଛନ୍ତି।
ସୋର ଟେଣ୍ଟେଇ ବେହେରା ସାହିର ଜୟକୃଷ୍ଣଙ୍କ ସହ ପୁଅ ଶରତର କୌଣସି କାରଣକୁ ନେଇ ବଚସା ହୋଇଥିଲା। ଏହାପରେ ଶରତ ଉତ୍ତ୍ୟକ୍ତ ହୋଇ ବାପାଙ୍କ ଛାତି ଓ ବେକକୁ ଭୁଜାଲିରେ ହାଣି ଦେଇଥିଲା । ଘଟଣାସ୍ଥଳରେ ହିଁ ଜୟକୃଷ୍ଣଙ୍କ ମୃତ୍ୟୁ ଘଟିଥିଲା। ଅଭିଯୁକ୍ତ ଫେରାର ହୋଇଯାଇଥିବା ବେଳେ ସୋର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।